TIRANE - Kolegji i Posaçëm i Apelimit, organi fundor i Vetingut, ka vendosur të shqyrtojë në dhomë këshillimi, në datën 27 nëntor, dosjen e Marsida Xhaferllarit, e përzgjedhur nga Presidenti Ilir Meta për anëtare të Gjykatës Kushtetuese, përmes një dekreti të shumëdiskutuar dhe të kontestuar. Xhaferllari i kërkon Kolegjit që të shpallë vendimin përfundimtar për kalimin nga ana e saj me sukses të procesit të Vetingut. Ndërkaq, trupi gjykues pranë Kolegjit, kryesuar nga Ardian Hajdari, Ina Rama relatore dhe anëtarë Natasha Mulaj, Rezarta Schuetz, Sokol Çomo, do të shqyrtojnë dosjen e Xhaferllarit në 27 nëntor. Trupa gjykuese do të vendosë për shqyrtimin e kërkesës në seancë ose për rrëzimin e saj që në dhomën e këshillimit. Po çfarë ndodh me fatin e Xhaferllarit nëse KPA rrëzon kërkesën e saj? Një vendim i tillë i mundshëm shkarkon automatikisht Xhaferllarin si anëtare e Kushtetues, pasi ligji për Gjykatën e Kushtetuese parashikon si kusht kalimin e Vetingut nga anëtari i kësaj gjykate. Vendimi i Kolegji është i formës së prerë dhe vepron menjëherë mbi Xhaferllarin.
Komisioni i Pavarur i Kualifikimit, organi bazë i Vetingut, në 11 mars të këtij viti, vendosi me shumicë votash që të mos marrë një vendim sa i takon verifikimit të Xhaferllarit për ligjshmërinë e pasurive, pastrinë e figurës dhe aftësitë profesionale, me argumentin se nuk e gëzon statusin e gjyqtares dhe se nuk është subjekt i ligjit të Vetingut. Këtë vendim subjekti e ka kundërshtuar në Kolegj. Po pse e ka humbur statusin e gjyqtares Marsida Xhaferllari sipas Komisionit të Vetingut? Sipas vendimit të KPK, Xhaferllari ka shërbyer si gjyqtare në Gjykatën e Rrethit Gjyqësor Fier nga viti 1999 deri në dhjetor 2007, në dhjetor të vitit 2007, ka filluar të punojë si këshilltare në kabinetin e Ministrit të Drejtësisë, deri në shtator 2008, ndërsa nga shtatori 2008 deri në janar 2013, u caktua Drejtoreshë e Përgjithshme (e Kodifikimit dhe Çështjeve të Drejtësisë) në Ministrinë e Drejtësisë. Por, më 15 mars 2008, hyri në fuqi një ligj i ri mbi organizimin e gjyqësorit, i cili parashikonte një maksimum prej 3 vjetësh për gjyqtarët që shërbejnë në strukturat jashtë gjyqësorit, periudhë pas së cilës ata duhet të kthehen në pozicionet e tyre të mëparshme.
Në rastin konkret, Xhaferllari e ka kaluar këtë afat me dy vjet. Sipas vendimit të KPK “Në mars të vitit 2008, ligji vendosi afat 3-vjeçar për gjyqtarët që shërbejnë në strukturat jashtë gjyqësorit. Duke qenë se në ligjin nr. 9877/2008 nuk ka dispozita kalimtare në lidhje me këtë afat, afati bëhet i zbatueshëm menjëherë me hyrjen në fuqi të ligjit. Kjo do të thotë se afati për të shërbyer jashtë strukturave të gjyqësorit, duke ruajtur njëkohësisht statusin e gjyqtarit, për subjektin e rivlerësimit, ka përfunduar në muajin mars të vitit 2011. Si pasojë e kësaj, subjekti i rivlerësimit e ka humbur ex lege, statusin e gjyqtarit. Nuk ka qenë e nevojshme gjithashtu dhënia e ndonjë vendimi konstitutiv të KLD-së, për t’i rikthyer statusin. Në këto kushte, Komisioni ka ndërprerë procesin e Vetingut për Marsida Xhaferllarin.
Neni 7/a i ligjit për Gjykatën Kushtetuese parashikon që gjyqtari i Gjykatës Kushtuese mund të zgjidhet shtetasi shqiptar që përmbush këto kushte:... të ketë kaluar me sukses procesin e kontrollit dhe verifikimit të pasurisë së tij personale dhe të familjarëve të tij, sipas ligjit”. Ky kusht nuk është plotësuar nga Xhaferllari, megjithatë kjo nuk e ka penguar presidentin Ilir Meta që ta emërojë anëtare të Gjykatës Kushtetuese, për më tepër jashtë treshes së parë të kandidatëve të renditur nga Këshilli i Emërimeve në Drejtësi, jashtë afatit dhe në një vakancë që ishte plotësuar ndërkohë nga Arta Vorpsi.
.jpg)
.jpg)
Komente
Lajme të tjera
-
Afera Partizani/ Ankimoi masën arrest në shtëpi, Kushtetuesja shtyn për vitin e ardhshëm shqyrtimin e kërkesës së Berishës
24 Dhjetor, 16:31 -
Gjykata Kushtetuese rrëzon ankimimin e partive të vogla për Kodin Zgjedhor: Pretendime të pabazuara, nuk cenohet barazia para ligjit (VENDIMI)
24 Dhjetor, 16:23 -
'Bie' Holta Zaçaj, kolegët në Kushtetuese votojnë që mandati t'i përfundojë më 10 mars 2025
23 Dhjetor, 16:04 -
Mali i Zi, opozita bojkoton Parlamentin për shkak të Gjykatës Kushtetuese
22 Dhjetor, 08:07 -
Dosja 'Metamorfoza'/ Kërkesa e biznesmenit Pëllumb Gjoka për pavlefshmëri të përgjimeve nga Sky ECC, Kushtetuesja tërhiqet për vendim
19 Dhjetor, 15:05 -
Ripërtëritja e Kushtetueses/ Syri kërcënon anëtarët e Gjykatës: Burg nëse ndërprisni mandatin e gruas së Andi Bejtjes, shefit të lajmeve te Syri Tv
17 Dhjetor, 16:47 -
Seanca për mbarimin e mandatit të kryetares së Gjykatës Kushtetuese, Holta Zaçaj shtyhet për 23 dhjetor
17 Dhjetor, 16:18 -
Kriza me Gjykatën Kushtetuese, Karaj: Zaçaj ka firmosur mandatin e lënë nga Vitore Tusha deri në mars! Flogert Muça: Amerikanët nuk kanë reaguar, ky është mesazhi!
16 Dhjetor, 22:31 -
Spahiu: Përplasja e Gjykatës së Lartë me Kushtetuesen, rast i paprecedent në historinë e Shqipërisë
16 Dhjetor, 21:53 -
Meta: Gjykata Kushtetuese në krizë, narkoshteti po shkatërron sovranitetin e popullit
16 Dhjetor, 20:57 -
Profesionet e Lira, Tabaku te Ekonomia: Akti Normativ i vonuar, t'u falen gjobat e kamatat
16 Dhjetor, 14:43 -
Gjykata e Kushtetuese shtyn vendimin për Holta Zaçaj! I jep kohë kryetares të paraqesë opinionin e vet
16 Dhjetor, 14:13
A eshte lighore qe kandidat per gjykaten Kushtetuese te listohen nga KED pa kaluar pricesin e vetingut ? Ne rast se gjygjtaret e dekretuar ne Kushtetuese rrezohen ne veting kane te drejte te vazhdojne te ushtrojne funksionin ?
Përgjigju