POP 5

Lajmet më të lexuara të 5 minutave të fundit

Kronikë

Vettingu/ Kandidatja për KLP, Antoneta Sevdari drejt rikonfirmimit në detyrë

Kandidatja për në KLP, Antoneta Sevdari rezulton me deklarim të rregullt pasurie, s'ka kontakte me botën e krimit si dhe është e aftë profesionalisht. Vendimi i KPK jepet nesër në orën 09:30, ku prokurorja pritet të rikonfirmohet në detyrë.
Vettingu/ Kandidatja për KLP, Antoneta Sevdari drejt rikonfirmimit në detyrë

Prokurorja e Tiranës, Antoneta Sevdari përpara KPK

Komisioni i Pavarur i Kualifikimit ka nisur procesin e rivlerësimit për prokuroren e Tiranës, Antoneta Sevdari. Prokurorja ishte vetë e pranishme përpara trupës së përbërë nga Firdes Shuli, Valbona Sanxhaktari dhe Roland Ilia.  

Sevdari do t'i nënshtrohet Vettingut për tre kriteret e parashikuara në ligj atë për pasurinë, pastërtitë e figurës dhe aftësitë profesionale. Nga raporti i KPK, prokurorja ka rezultuar me deklarim të rregullt pasurie, nuk ka kontakte me botën e krimit si dhe është e aftë profesionalisht. Antoneta Sevdari, kandidate për në Këshillin e Lartë të Prokurorisë, pritet të rikonfirmohet në detyrë. 

Sipas KPK, prokurorja ka bërë deklarim të saktë dhe nuk konstatohet fshehje pasurie. Prokurorja disponon pasuri tokë arë me sipërfaqe 350 m2 në pronë të familjes, blerë në vitin 2001. Në këtë truall prokurorja ka një shtëpi banimi, ndërtuar pa leje dhe legalizuar në vitin 2013. Gjithashtu, prokurorja ka edhe një apartament me sipërfaqe 101 m2, blerë në vitin 2011 në vlerën e 97 500 euro. Burimi nga paga dhe të ardhura nga bashkëshorti i cili punon si inxhinier gjeoteknik.

Nga verifikimi ka rezultuar se bashkëshorti ka këto të ardhura. Prokurorja Sevdari s'ka gënjyer për këto prona dhe për llogarit bankare. Nga të gjitha verifikimet na rezultoi se s'kishte pasuri te fshehura. 

Thuhet në raportin e KPK

Komisioni i Pavarur i Kualifikimit ka konstatuar se sa i takon figurës, prokurorja rezulton e pastër, nisur nga raporti i sjellë nga DSIK.
 

Për prokuroren s'ka të dhëna për parregullsi dhe kontakte me krimin. 

 Thekson KPK

Lidhur me aftësitë profesionale ka raport nga Prokuroria e Përgjithshme që vlerëson pozivisht prokuroren. Për prokuroren sevdari s'ka asnjë ankesë apo masë disiplinore marrë gjatë periudhës së vlerësimit.

Megjithatë, ndaj prokurores ka 10 denoncime nga qytetarët për vendimet e marra për saj. KPK pritet të vendosë nesër në orën 09:30 për prokuroren Antoneta Sevdari, ku sipas të gjitha pritshmërive do ta kalojë me sukses Vettingun dhe do rikonfirmohet në detyrë. 

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 30 Mars, 00:06

    Programi i PS, a ju duken të realizueshme objektivat ekonomikë?

Lajme të tjera



×

Lajmi i fundit

Java nis me mot të paqëndrueshëm, parashikimi i motit për sot

Java nis me mot të paqëndrueshëm, parashikimi i motit për sot

31 Mars, 07:16