POP 5

Lajmet më të lexuara të 5 minutave të fundit

Kronikë

Ekskluzive/Raporti i ILDKP: 609 'njësi spiune' në shtet e privat, zyrtarët 80 mln € pasuri të pajustifikuara

Në zyrat e shtetit dhe në kompanitë private janë ngritur 609 njësi spiune, për të sinjalizuar shkeljet ligjore. Shifra raportohet në Kuvend nga ILDKP. Në dokumentin të cilën Report TV ka siguruar, ky institucionin thotë se ka gjobitur 300 zyrtarë.

Spiunët brenda kompanive private apo zyrave shtetërore, të njohura me ligj si “sinjalizuesit” kanë filluar të funksionojnë, por niveli i denoncimeve ngelet i ulët. Report TV ka siguruar raportin vjetor të ILDKP dorëzuar në Kuvend ku thuhet se janë 163 njësi spiune në shtet, në institucionet  me mbi 80 punonjës.

Numri më i lartë i njësive sinjalizuese i takon sektorit privat, ku janë ngritur 446 njësi spiune në kompanitë me mbi 100 punonjës. Roli i këtyre njësive është të sinjalizojnë raste korrupsioni, evazioni fiskal apo natyra të tjera të shkeljeve ligjore, por ILDKP thotë se gjithsej gjatë një viti janë sinjalizuar vetëm 8 raste të dyshimta.

Të gjitha në institucione shtetërore. Ndërkohë, detyrimin për të ngritur këto njësi spiune, e kanë edhe organizatat e shoqërisë civile, por shumë prej tyre nuk i kanë ngritur ato, ndaj ILDKP raporton se ka gjobitur 140 drejtues organizatash.

Sa i takon kontributit të saj në procesin e vettingut, ILDKP raporton se ka verifikuar rreth 3 mijë persona, gjyqtarë, prokurorë e familjarë të tyre. Ndërkohë, sa u takon zyrtarëve të tjerë jashtë sistemit të drejtësisë, janë gjobitur 296 zyrtarë për mosdeklarimin të pasurisë apo mos justifikim të saj, ndërsa sipas ILDKP, vlera e pasurisë së pajustifikuar të zyrtarëve tashmë ka arritur në 80 milionë euro, nga 1.8 milionë euro që ka qenë në vitin 2014. 

Drejtuesi i ILDKP-së, Shkëlqim Ganaj pritet të raportojë për këto çështje përpara Komisionit të Ligjeve dhe seancës plenare. 
( Kliko këtu ) për raportin e plotë vjetor të ILDKP

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sadiku: 22/06/2018 12:46

    Duhet kontroll i imet i pasurise per cdo kryetar njesie vendore, drejtor ndermarrje shterore ,tatimor,doganier e lart qe nga viti 1992.

    Përgjigju
    • Ooooo Sadik!!: 22/06/2018 13:38

      Pasurine nuk e ka populli dhe administrata por e kane politikanet!!

  • J.C.: 22/06/2018 11:56

    nuk zgjidhet problemi me gjoba. konfiskojani pasurine vetem ashtu mund te behet drejtesi.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kazakistan/ Avioni me 67 persona në bord dyshohet se u godit nga rusët, vetëm 28 mbijetuan

Kazakistan/ Avioni me 67 persona në bord dyshohet se u godit nga rusët, vetëm 28 mbijetuan

26 Dhjetor, 07:25