BRAZIL - Një gropë e krijuar krejt papritur, në mes të një autostrade pranë qyteteve Itaituba dhe Ruropolis në Brazil, ka bërë që një autobus i cili po transportonte pasagjerë të përfshihet nga rrjedha e ujit. 

Shoferi i autobusit e ka parë në kohë gropën në mes të autostradës dhe ka ndaluar autobusin duke u kërkuar menjëherë të gjithë pasagjerëve të zbresin. 

Pasagjerët kanë arritur të zbresin në kohë dhe siç shikohet dhe nga pamjet e kësaj videoje të filmuar nga njëri prej pasagjerëve të autobusit, ai ka rënë i gjithi në gropë dhe më pas e ka marrë rrjedha e ujit e cila e ka spostuar disa metra me tutje.

Nga kjo ngjarje nuk ka mbetur asnjë person i lënduar

Redaksia Online
(o.b/ Shqiptarja.com)