Një gjest i brazilianit Kaka në sfidën mes New York Red Bulls dhe Orlando në kampionatin amerikan të futbollit, është kapur nga teknologjia dhe për rrjedhojë futbollisti është ndëshkuar. 

Ai i vuri duart në fytyrë Collin, njërit prej kundërshtarëve me të cilin kishte njohje të hershme. Një episod që ka ngjallur shumë polemika në SHBA pas vendimit të arbitrit Gonzales pasi u sinjalizua nga VAR (teknologjia në fushën e blertë).

Kaka ndërhyri në mes të një përplasjeje mes lojtarëve dhe në përpjekje për të ulur tensionet bëri shaka me shokun e tij, por sistemi nuk e ka falur. “Ishte shaka” - i thanë të dy arbitrit i cili nuk tërhiqej për vendimin e marrë. 

Karton i kuq dhe Kaka la fushën e lojës, pavarësisht se ishte minuta e 97 e takimit.