Një video e publikuar në rrjet duken deputetët e PD-së të mbledhur në festën e fundvitit që kërcejnë me një këngë kushtuar kryetarit të tyre, Sali Berisha.

Siç shihet nga pamjet deputetë si Gazment Bardhi, Jorida Tabaku, Agron Gjekmarkaj  kërcejnë nën tingujt e këngës së Fatmira Breçanit, kushtuar Sali Berishës.

“Sot knojn zemrat
Për demokraci
Për doktor Berishën
Dhe shoqninë e tij
Nuk ka fe as s'ka parti
Që përçan këtë shqiptari”

Vallen e ka hedhur dhe Gjekmarkaj i cili duket se është shënuar pas protestës së 23 dhjetorit kur nuk u ndje mirë dhe humbi ndjenjat.  

Kjo duhet të jetë një nga ato skenat më të rënda të torturës që një lider mund t’u bëjë deputetëve të vet: t’i vërë të kërcejnë në festën e Vitit të Ri me një këngë kushtuar atij. As Enver Hoxha nuk ua bënte këtë deputetëve të tij. "Berisha duket se ka nevojë t’i poshtërojë deri në palcë para se t’i fusë në listë, që të mos u mbetet asnjë grimë dinjiteti kur t’i kthejnë krahët komenton  Tema. 

Për ironi kënga rikujton kohën kur deputetët si Bardhi, Tabaku dhe Gjekmarkaj ishin me Bashën e betoheshin se me Berishën në krye të partisë nuk do të kishte kurrë bashkëpunim dhe se nuk do ta njihnin si kreun e Partisë Demokratike, por tashmë fjala përçarje nuk ekziston.

““Më parë vdes sesa bashkohem me Berishën” do të shprehej Bardhi në shkurt të këtij viti para se të bashkohej me Berishën dhe ky i fundit ta shpërblente me postin e kreut të grupit parlamentar të PD-së së.

"Unë nuk do të jem kurrë një deputet i Sali Berishës" thoshte Gjekmarkaj dy vite më parë