Shiu vjetor i meteorëve ‘Perseid’ ndriçoi qiejt anembanë botës për kënaqësinë e adhuruesve të astronomisë, si dhe romantikëve që shpresonin të kapnin një paraqitje të shkurtër të yjeve që xhironin. 

Kryeministri Edi Rama ndau sot pamje nga nata e mbrëmshme e 12 gushtit, e cila njihet si nata e Shën Lorencit, ose nata kur bien yjet nga qielli.

“Mbrëmë në një nga ngjarjet astronomike më të pritshme të vitit, shiu vjetor i meteorëve Perseid shndriti qiellin në të gjithë botën me meteorë që goditën atmosferën e Tokës në shpejtësi prej 134,000 milje në orë (215,000 km/h)”, shkroi Rama në rrjetet sociale.

Ky fenomen ndodh në një kohë të ngjashme në korrik dhe gusht të çdo viti, dhe këtë herë ka arritur kulmin e tij në natën ndërmjet të shtunës dhe të dielës.

Meteorët, siç shkruan BBC, goditën atmosferën e Tokës me një shpejtësi prej 215,000 km/h. Kometa, së cilës i duhen 133 vjet për të rrotulluar Diellin, lë pas një re të mbeturinave hapësinore dhe kur hyn në atmosferën e Tokës dhe fillon të bjerë drejt sipërfaqes, “reja” shkëlqen për shkak të fërkimit dhe djegies, dhe ne shohim si një blic ose një meteorit.

Këto mbetje të djegura nuk përbëjnë asnjë rrezik për ne në Tokë. Shiu i meteorëve konsiderohet si një nga ngjarjet më të mira dhe më tërheqëse astronomike.

 
M.T/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 14 Janar, 18:35

    Arratisja e Ndocit, mendoni se Burgjet kanë standardet e duhura të sigurisë?

Lajme të tjera