Cristiano Ronaldo nuk është mjaftuar me provokimet në fushë, por ka bërë diçka të tillë edhe në zonën e medias pas humbjes që Juventusi pësoi në stadiumin “Ëanda Metropilitano” kundër Atletico-s.
Teksa kalonte në zonën mikse portugezi fillimisht u pyet nëse ishte i zhgënjyer dhe u përgjigj: “Po, ky është futbolli”. Më pas ish-futbollisti i Realit shtoi duke bërë edhe gjeste me duar: “Unë kam fituar 5 herë ‘Champions League’, ndërsa këta çuna zero.”
Një provokim i pastër i Ronaldo që ndodhi edhe gjatë ndeshjes. Juventus u mposht 2-0 në ndeshjen e parë me eliminim direkt në “Champions” dhe do ta ketë shumë të vështirë për të kaluar në raundin tjetër, pavarësisht se ishte kuotuar si një nga pretendetet kryesore për ta fituar.