VIDEO - Si reagojnë shqiptarët
kur shohin të dhunohet një grua

TIRANE - Si reagojnë shqiptarët ndaj dhunimit të gruas? Një eksperimenti social nga UNDP Albania tregon se një pjesë e shoqërisë sonë ende është indiferente ndaj dhunës që burrat ushtrojnë mbi gra, një pjesë reagojnë vetëm me mimikën e tyre, disa telefonojnë policinë e disa të tjerë edhe ndërhyjnë për të shpëtuar gruan nga duart e dhunuesit.
 
Në këtë video, protagonistë të eksperimentit social janë dy aktorë, një burrë dhe një grua, ku brenda një ruloti të vendosur në ambiente të ndryshme publike në kryeqytet, ata simulojnë dhunë, rrahje, britma e ulërima. Ndërsa kalimtarët e rastësishëm bëhen spektatorë të dhunës...

Mes indiferentëve që thjesht sa shprehin habi në fytyrën e tyre por nuk reagojnë të paktën duke telefonuar policinë në telefon për të ndërhyrë, i pari që ndalon është një djalë i vogël. Ai ndalon njerëzit e tjerë që kalojnë dhe kërkon ndihmën e tyre, derisa reagimi vjen.

Disa prej tyre kanë telefonuar 129-ën, ndërsa të tjerë, kryesisht vajza, janë munduar të ndërhyjnë me shpresën se do të ndalin dhunën.

Në fund, një banderolë e bardhë hapet ky shkruhet "Dhuna është edhe puna jote...."Jo vetëm në 8 mars"

Redaksia Online
(Gre.M/Shqiptarja.com)