Rima Karaki, gazetarja e një emisioni të përditshëm në një televizion libanez, u has së fundmi me një situatë që e ka shndërruar në gazetaren më të njohur dhe më me influencë në Liban. Gjatë një lidhjeje të drejpërdrejtë telefonike me një mbështetës të ideologjive radikale islamike, i quajtur At Seba'I, biseda derivoi deri në fyerje të njëpasnjëshme nga ana e opinionistit.
 
Burri i pasjellshëm e ‘ftoi’ Karakin të ‘mbyllë gojën’ dhe vijoi të përdorte tone ofenduese dhe deskriminuese për rolin e saj si gazetare apo si femër.
Replika e gazetares së famshme tashmë, i uli tonet e arrogancës së militantit shpirtëror islamik.

“Nëse nuk ka respekt të ndërsjelltë, biseda ka marrë fund këtu”,- u përgjigj Rima Karaki e tensionuar nga situata e krijuar.
Videoja ka marrë xhiron e internetit me miliona klikime në vetëm pak orë.