Vijon e njëjta histori/ Dështon serish gjyqi ndaj Shullazit dhe 4 të pandehurve të tjerë, mbi 40 shtyrje që prej 2018-s

Për më shumë se të 40-ën herë është shtyrë ditën e sotme procesi gjyqësor kundër Emiljano Shullazit dhe 4 të pandehurve të tjerë Gilmando Dani, Blerim Shullazi, Endrit Qyqja dhe Endrit Zela.

Që prej nisjes së procesit në dhjetor të 2018-ës numri i seancave të dështuara në apel janë 40, duke e futur procesin gjyqësor në ngërç.

Ende nuk ka një informacion për arsyen e shtyrjes së seancës pasi seanca u zhvillua me dyer të mbyllura.

Në fund te korrikut Shullazi u izolua edhe në regjimin '41 bis' ndërsa procesi ndaj tij në apel është në kolaps. Në vitin 2018 banda e Shullazit u dënua në total me 55 vite burg.

Seanca e fundit e dështuar është ajo e 4 nëntorit kur prej mungesës së avokatëve u shty dhe u caktua data e sotme.