Vijon maratona e shtyrjes së gjyqit të Shullazit, seanca e rradhës është planifikuar në 18 nëntor

Emiljano Shullazi dhe anetaret e tjere te grupit ne gjyq

Mungesa e avokatëve kryesisht ka çuar në dështimin e seancës së rradhës, kundër 5 të pandehurve të akuzuar nga prokuroria për gjobëvënie.

Vijon maratonën e shtyrjes, procesi gjyqësor kundër Emiljano Shullazit dhe 4 të pandehurve të tjerë Gilmando Dani, Blerim Shullazi, Endrit Qyqjes dhe Endrit Zelës. Seanca gjyqësore që ishte parashikuar të zhvillohej ditën e sotme, është shtyrë për shkak se nuk ishin paraqitur avokatët e caktuar kryesisht nga gjykata e Posaçme e Apelit Tiranë. Nisur nga kjo situatë, procesi gjyqësor ka dështuar për të disatën herë, ndërsa trupi gjykues ka caktuar datën 18 nëntor ora 09:00, për të zhvilluar seancën gjyqësore kundër 5 të pandehurve.

Procesi gjyqësor po shtyhet në mënyrë të vazhdueshme, duke u kthyer në një “telenovelë” me shumë seri, ku shkak i shtyrjeve herë janë bërë avokatët mbrojtës dhe herë gjyqtarët e shkarkuar nga vettingu. 5 të pandehurit, akuzohen nga prokuroria për “Shtrëngim me anë të kanosjes me qëllim marrjen e pasurisë”, kryer në bashkëpunim në formën e “Grupit të organizuar kriminal”, “Mbajtjes pa lejë të armëve” dhe “Prodhim e shitje të lëndëve narkotike”.

Biznesmeni Ylvi Beqja, ka treguar në gjykatë se përmes presioneve dhe kanosjeve të vazhdueshme i ka dhënë Emiljano Shullazit dhe anëtarëve të grupit të tij, shumën prej mbi 560 mijë euro. Por nga kjo shumë prokuroria mundi të faktojë vetëm 5 tërheqje me çek në bankë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Xxx: 04/11/2020 22:00

    Kur kur apo kurr

    Përgjigju
  • Sondazhi i ditës:

    Ditë acari në vend, a i përballoni dot kostot e ngrohjes?



×

Lajmi i fundit

John

Berisha me kandidat të pavarur në zgjedhjet e pjesshme lokale? Celibashi për Deutche Welle: Duhet të marrin firmat e 1% të listës së zgjedhësve