POP 5

Lajmet më të lexuara të 5 minutave të fundit

Ekonomi

Vijon rritja e çmimeve, shtrenjtohen me 13% zarzavatet, INSTAT: Inflacioni në muajin shtator arriti në 2.5%

Çmimet e ushqimeve në shtator të këtij viti vijuan të rriten. INSTAT thotë se në muajin e kaluar inflacioni ishte 2.5% dhe ndikimin më të madh e kishte shtrenjtimi i ushqimeve dhe i karburantit. Krahasuar me vitin e kaluar çmimi i zarzavateve është rritur me mbi 13%.

Vala e rritjes së çmimeve nuk ka të ndalur. Në shtator sipas të dhënave të INSTAT, inflacioni ishte 2.5% nga 1.5% që ishte në vitin e kaluar, dhe ndikimin më të madh në këtë rritje e ka dhënë shtrenjtimi i produkteve të shportës.

Bazuar në raport çmimet e ushqimeve dhe pijeve joalkoolike u rritën me 4.6% krahasuar me shtatorin e 2020. Ky shtrenjtim sipas ekspertëve vjen si pasojë e kërkesës së lartë për konsum nga qytetarët dhe ofertës së ulët. Po ashtu faktor tjetër që ndikon në shtrenjtimin e produkteve bujqësore është edhe informaliteti në sektor apo rritja e kostove nga pandemia, tërmeti dhe përmbytjet.

Në muajin e kaluar vetëm zarzavatet përfshirë patatet u shtrenjtuan me 13,6 %, ndjekur më pas nga vajra dhe yndyra me rritje 6,6 %, apo shtrenjtimi i bukës dhe i drithërave me 4,7 % krahasuar me 2020. Po ashtu është rritur edhe çmimi i frutave me 4,1 %, i sheqerit, reçelit dhe ëmbëlsira me 3,3 % si dhe i qumësht, djathit dhe vezëve me 2,2 %.

Një ditë më parë ishte FAO që paralajmëroi një ulje të stokut të rezervës botërore për produktet e shportës, ndërsa thuhej se çmimet e ushqimeve ishin rritur në të gjithë botën me 32% krahasuar me shtatorin e 2020.

Nga ana tjetër si pasojë e shtrenjtimit të karburantit, kostot e transportit për qytetarët u rritën me 4,5 %, por rritje po ashtu është regjistruar edhe në komunikim, argëtim dhe kulturë, dhe veshje dhe këpucë.

K.T./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

21 janari/ Demaila: Krim shtetëror, Berisha donte të vriste opozitën! Meçe: Ish-kryeministri fshehu provat, SPAK të vendosë drejtësinë

21 janari/ Demaila: Krim shtetëror, Berisha donte të vriste opozitën! Meçe: Ish-kryeministri fshehu provat, SPAK të vendosë drejtësinë

15 Janar, 18:04