Vijon sërish skandali, Wizz Air dhe Ryanair shtyjnë edhe sot 13 fluturime, 3 të tjera anulohen

TIRANË- Edhe ditën e sotme ka vijuar anulimi dhe shtyrja e fluturimeve nga dy kompanitë low cost, Wizz Air dhe Ryanair. Nga një vëzhgim në faqen zyrtare të Rinasit evidentohen 3 fluturime të anuluara nga Wizz Air. Bëhet fjalë për dy fluturime nga Gjermania dhe një tjetër nga Milano që do duhej të mbërrinin në Tiranë rreth orës 1 të natës, ndërsa në faqe nuk ka asnjë orar se kur është parashikuar nisja.

Dy kompanitë po lënë qindra pasagjerë rrugëve, ndërsa autoritetet nuk kanë reaguar dhe marrë asnjë masë. Po sot, në faqen e Rinasit shihen 13 fluturime që janë me vonesë po të këtyre dy kompanive. Kujtojmë që Shqiptarja.com raportoi edhe dhe të njëjtën situatë me mbi 28 fluturime të shtyra.

Vetëm ditën e hënë në Rinas kanë kaluar 43 000 mijë pasagjerë në 125 fluturimeve. Një fluks shumë i madh që kërkon përpikmëri, ndërsa pavarësisht vonesave të herëpashershme, ndaj kompanive nuk është marrë asnjë masë nga autoritetet vendase por qoftë edhe ato të mbërritjes. Udhëtarët shprehen gjithnjë të shqetësuar me shërbimet e kompanisë low cost, të cilat i cilësojnë shpesh skandaloze.

LEXO EDHE:
Vijon problematika në Rinas, Wizz Air dhe Ryanair shtyjnë 28 fluturime, anulohen 2! Vlerësim negativ nga 'Flight Radar'

TË DREJTAT E PASAGJERIT:

Ju keni të drejtat tuaja për asistencë dhe kompensim për çdo vonesë mbi 3 orë ose anulim fluturimi. Plotëso formularin e ankimimit në mënyrë korrekte që të përfitoni të drejtat e shkelura nga kompania.

HAPAT QË DUHET TË NDIQNI:

1. Për çdo shkelje plotësoni formularët e ankimimit që i gjeni lehtësisht më poshtë, ose në formë elektronike: https://www.aac.gov.al/te-drejtat-e-pasagjerit/

2. Pas plotësimit të saktë të këtij formulari ankimimi, dërgojeni atë te kompania ajrore në zyrat përkatëse, ose me email dhe prisni përgjigje.

3. Nëse kompania nuk përgjigjet, ose përgjigja nuk ju kënaq, dorëzoni një kopje të ankesës së ankim- imit në zyrat e Aviacionit Civil, që ndodhen në Aeroport kt i 2-të mbi check-in, ose në emailin zyrtar: [email protected]

Autoriteti i Aviacionit Civil, ju premton se do të trajtojë ne seriozitetin maksimal dhe në kohë rekord çdo ankesë tuajën.

Të drejtat e pasagjerit

TAG:
• Wizz Air
• Ryanair
• rinas
• autoriteti i aviacionit civil

Sondazhi i ditës:

Censi 2023, popullsia u tkurr me 419 mijë në 12 vite, cili është shkaku?

• Emigrimi

  79%

• Lindshmëria

  17.1%

• Vdekshmëria

  3.9%

Vota total: 1865

Votat totale janë unike

• Sondazhi i ditës:

  Censi 2023, popullsia u tkurr me 419 mijë në 12 vite, cili është shkaku?

  Emigrimi Lindshmëria Vdekshmëria