Vinin baste sportive me celularë, në pranga tre persona në Pogradec! Në hetim një tjetër pasi kishte përdorte lokalin për lojëra fati

Persona janë vënë në pranga në Pogradec pasi vinin baste sportive me celularë. Në hetim është vënë një persona i cili kishte përshtatur lokalin e tij për zhvillimin e lojërave të fatit.

Policia njofton se ka arrestuar në flagrancë shtetasit A. T., 46 vjeç, A. P., 53 vjeç dhe kanë shpallur në kërkim shtetasin E. K., 36 vjeç, banues në Pogradec.

Gjatë kontrollit të ushtruar në lokalin e 36-vjeçarit, shërbimet e Policisë gjetën në celularët e 2 shtetasve të tjerë, bileta të basteve sportive dhe faqe bastesh sportive. Nga hetimet e kryera dyshohet se shtetasi E. K. ishte organizatori i kësaj veprimtarie dhe kishte vënë në dispozicion lokalin e tij, për ushtrimin e lojërave të fatit;

Po ashtu është arrestuar në flagrancë shtetasin D. M., 46 vjeç dhe kanë referuar materialet në Prokurori ku filloi procedimi në gjendje të lirë për shtetasin R. D., 64 vjeç, banues në Pogradec, pasi gjatë kontrollit të ushtruar në një lokal në përdorim të 64-vjeçarit, të cilin e kishte vënë në dispozicion për ushtrimin e kësaj veprimtarie, shtetasit D. M. iu gjetën në celularin e tij, bileta të basteve sportive dhe faqe bastesh sportive.

Celularët e këtyre shtetasve, që i shërbenin kësaj paligjshmërie, u sekuestruan në cilësinë e provës materiale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

M.Q./Shqiptarja.com

TAG:
• pogradec
• Korce