Visar Zhiti: Mirënjohje dhe dhimbje për gjithçka që bëtë Kadare

Shkrimtari Visar Zhiti, ka reaguar për ndarjen nga jeta të Ismail Kadares.

Me një postim në rrjetet sociale, Zhiti shkruan se brezat janë rritur me veprat e tij, ndërsa kujton bisedat dhe takimet më të.  

“Ikja nga kjo jetë e Shkrimtarit dëshpëron të gjithë ata që e duan, por vepra e bën të pranishëm te çdo lexues i tij, bashkëbisedimi vazhdon. Kadare i dha gjuhës shqipe shumë dhe romanit shqiptar njohje botërore. Brezin tim e rritën me veprën e tij, ajo u bë e madhe, iu përshtat kohëve dhe u bë kohë dhe vetë. Mes adhurimeve të merituara dhe qortimeve të shumta po ashtu, ne e shohim si mjeshtër të fjalës shqipe. Botimet “Onufri” me përkushtim dhe besnikëri e kanë dhënë të plotë Kadarenë shkrimtar. Ai aty jeton. Takimet dhe bisedat me të i çmoj, nga ana njerëzore ato për mua kanë diçka nga dhënia e zjarrit dhe e cigareve të miqësisë, atë tym të ditëve aq shumë shqiptare. Mirënjohje dhe dhimbje për gjithçka që bëtë, Kadare!", shkruan ai. 

Lajmi kryesor:

Ndërron jetë Ismail Kadare, por vepra e tij mbetet e pavdekshme, mesazhet e personaliteteve shqiptare

S.B/Shqiptarja.com

TAG:
• Ismail Kadare
• vdes ismail kadare