Ambasadorja amerikane Yuri Kim, përmes një statusi në Twitter ka komentuar vizitën e të dërguarit special të SHBA për rajonin e Ballkanit, Gabriel Escobar në Tiranë. Kim shprehet se Escobar përcolli mesazhe të qarta se Shtetet e Bashkuara të Amerikës mbështesin Shqipërinë në luftën kundër korrupsionit dhe anëtarësimin në bashkimin Europian. Sakaq, Kim shkruan se pret me padurim forcimin e marrëdhënieve, rritjen e bashkëpunimit të mbrojtjes si aleatë të NATO-s.
“Gjatë vizitës së tij në Tiranë, Escobar falënderoi Shqipërinë për partneritetin e fortë dhe ripohoi mbështetjen e fortë të SHBA-së për Shqipërinë anëtarësimin në BE. Ai nënvizoi fokusin e SHBA-së në luftën kundër korrupsionit, mosndëshkimit dhe përpjekjeve për të minuar demokracinë në Ballkanin Perëndimor. Ne presim me padurim forcimin e marrëdhënieve: rritjen e bashkëpunimit tonë të mbrojtjes si aleatë të #NATO-s ; krijimi i më shumë mundësive për tregti dhe investime; duke punuar së bashku për integrimin rajonal dhe çështjet globale, veçanërisht si anëtarë të Këshillit të Sigurimit të OKB-së në 2022” shkruan Kim në Twitter.
I dërguari special i SHBA për rajonin e Ballkanit, Gabriel Escobar, vizitoi dje Tiranën ku takoi kreun e PD, Lulzim Basha, ministren e Jashtme Olta Xhaçka dhe në fund kryeministrin Edi Rama, ndërsa nuk pati në agjendë një takim të planifikuar me Presidentin Ilir Meta. Kjo vizitë e Escobar në Tiranë është një tjetër 'grusht' i madh amerikan në fytyrën e ish-kryeministrit Sali Berisha, për përpjekjet e tij për të rimarrë PD-në.
Vizita e Escobar në Tiranë, ishte vetëm dy ditë para Kuvendit të thirrur nga Sali Berisha, i cili është i shpallur ‘non grata’ nga SHBA për korrupsion dhe minim të demokracisë. Vetëm dy ditë më parë, ambasada e SHBA-së, tha se vizita e tij është për të konfirmuar gjithashtu vendosmërinë e Shteteve të Bashkuara për të luftuar korrupsionin, pandëshkueshmërinë dhe përpjekjet për të minuar demokracinë në Ballkanin Perëndimor.
Duket si një mesazh i drejtëpërdrejtë ndaj Berishës nga ambasada e SHBA në këtë javë vendimtare të luftës së tij, jo vetëm kundër Lulzim Bashës, por edhe vendimit të Shteteve të Bashkuara të Amerikës. Këto ditë janë shumë të rëndësishme për Partinë Demokratike. Kujtojmë se zgjedhja e Sali Berishës në krye të Partisë Demokratike do të bëntë forcën më të madhe opozitare në vend 'non grata' në SHBA, sipas një deklarate të ambasadores së Shteteve të Bashkuara të Amerikës, Yuri Kim.
Komente
Lajme të tjera
-
Kandidatura e ambasadorit të ri amerikan në Shqipëri, David Kostelancik “ngec” në senat
28 Shtator, 07:56 -
‘Dosja Partizani’ Berisha merr në dorë fashikujt! Pikat ku mohon akuzat: Faturat për gjyqin e ‘non gratës’ mi pagoi dhëndri, Argita ia ktheu 1 muaj më pas
25 Shtator, 13:06 -
Në 500 faqe vetëm fillimi i përgjigjes nëse SHBA-të kanë apo jo fakte ndaj korrupsionit të Berishës!
17 Shtator, 09:45
-
Pasuesi i Escobar/ Alexander Kasanof, zëvendësndihmës sekretar i SHBA-së për Ballkanin Perëndimor
22 Korrik, 16:32 -
Ardhja e Ambasadorit të ri të SHBA, Kreshnik Spahiu: Berishës e Metës do iu duket lule Yuri Kim
30 Qershor, 07:51
-
Kreshnik Spahiu: Ju tregoj se si funksiononte Drejtësia në kohën e Berishës dhe pse SHBA-të e izoluan!
29 Qershor, 09:15
-
Frrok Çupi: Pse nisi e keqja në vitet ’90… sipas Amerikës?
22 Maj, 09:52
-
Dosja britanike e Berishës 'non-grata' dhe mesazhi i Escobar! Lapardhaja: Kambana alarmi për ata që kanë veshë
21 Maj, 17:39 -
"Ne nuk duam opozitën e viteve ’90" Escobar: Shpresojmë që drejtimin e PD të mos e marrë dikush që na kujton kohët e këqija
20 Maj, 18:54 -
Gabriel Escobar: Mungesa e mbështetjes së Kosovës për projekt propozimin evropian për Asociacionin, ka pamundësuar lobimin amerikan për proceset integruese të Kosovës
17 Maj, 16:42 -
Escobar: Është dashur të insistojmë më shumë në zbatimin e Asociacionit
17 Maj, 09:57 -
Escobar largohet nga posti i tij për Ballkanin, Hovenier: Kisha nderin të punoja me ju
16 Maj, 13:20
Duke ndjekur zhvillimet kronologjike qe SHBA-te "imponojne" ne vendin tone, si ekspert i politikes se jashtme shpreh neverine time totale ndaj ktij uzurpimi qe SHBA po vendos ne Shqiperi. Cudia ose me mire idjotsia qe po shprehet eshte ajo e mbeshtetjes se Shqiperise mbi antaresimin ne BE!!! Totalisht nonsens sepse SHBA ska te drejten e asnje vendim marrjeje apo mbeshtetjeje apo sugjerimi ndaj BE per antaresim te vendeve perreth Europes. Pra kujt i duhet kjo politike mashtrimi dhe ne te njejten kohe uzurpuese?? Te njeten skeme SHBA-te me zyrtare te dyshimte u munduan te benin dhe me Kroacine por politika e Kroacise i vuri kufirin tek pragu politikes hundfutese te Amerikes sepse e para nuk sjell asnje perfitim ekonomik dhe e dyta shkakton imponim te interesave amerikane ne vende jashte konfederates. Pra pse ne duhet te perulemi ndaj nje politike qe kudo ku ka futur kthetrat ka sjelle vetem trazira dhe intriga. Fundja ne nuk jemi shtet me rrezik lufte dhe nese qofte ashtu jemi anetare te NATOS. Ne na nevojiten politika zhvilluese dhe mbeshtetese nga BE dhe jo nga SHBA-te. Uroj qe heret a vone te dale dikush dhe te kerkoje llogari pse nje ambasadore na fut hundet ne cdo vend dhe pse nje shtet pertej oqeanit kerkon me cdo kusht kontrollin ne politike dhe vendim marrjen e Shqiperise
Përgjigju