Me rastin e kthimit në atdhe të eshtrave të personalitetit të shquar të letrave shqipe dhe kulturës mbarëkombëtare, Mid’hat Frashëri dhe në kuadër të javës përkujtimore në 110-vjetorin e Kongresit të Manastirit, Biblioteka Kombëtare e Shqipërisë çeli të martën një ekspozitë që përmbledh të gjithë veprimtarinë dhe botimet e çmuara të Lumo Skëndos nga shkrimi i tij i parë në revistën shqiptare “Albania”, në vitin 1897, deri në botimet e më të fundit të veprës së tij.
Një personalitet në historinë e kulturës dhe letrave shqipe Mid’hat Frashëri, drejtoi dhe themeloi dhe një sërë revistash dhe gazetash si “Lirija”, “Kalendari kombiar” apo “Dituria etj.
Në arkivën e Bibliotekës Kombëtare ruhen botimet e tij të para si “Naim be Frashëri” (Sofje, 1901); “Dhe trego një : Librë për në shkollë” (Sofje, 1902); “Naim Beg Frashëri : (traduzione dall'albanese)” (Catanzaro, 1903); “Këndime për shkollat e para” (Selanik, 1910); “Këndime : për reshtatë filltare” (Selanik, 1910); “Këndime : për skolat e para” (Selanik, 1910); “Këndime : pas programit të mësonjëtorevet të para” (Stamboll, 1912); “Hi dhe shpuzë : frymëzime, novela, kujtime” (1915); “L' Affaire de l'Epire : le martyre d'un puple” (Sofie, 1915); “Letra mi një udhëtim në Svicrë” (1915); “Pour l'Albanie” (Lausanne, 1919); “Albanais et sllaves” (Lausanne, 1919); “Le Mouvement anti-italien en Albanie” (1920); “L' Albanie : le petrole albanias - le budget 1921-1922 – commerce de tabacs” nga Léon Husson, G. Recoing dhe Mid’hat Frashëri (me pseudonimin Adriatiku); “Albania : zece ani de istoria albanezâ” (1921); “Le Différend albano-serbe” (Constanza, 1921); “Albanie : panorama politique” (Paris, 1922); “Plagët tona : çë na mungon? : çë duhet të kemi” (1924); “Gruaja : librë për gratë dhe për burratë : dedikuarë trupit arsimor Shqiptar” (1928).
Lidhur me prezantimin e veprave të tij në këtë ekspozitë janë përzgjedhur edhe shqipërimet si: metodat e F. Ahn për mësimin e gjuhëve të huaja anglisht dhe frëngjisht botuar në Bukuresht dhe Sofje më 1902 dhe 1908; shqipërimi i “Robinsoni” i Daniel Defoes botuar në Selanik më 1910; “Bëje të mirën pa hidhe në det : prallë për djemtë” i Franc Hofman (Sofje, 1910); “Shkurtabiq' i verdhë. Miu i vockël. Sorkadhe e bardhë” nga Marie Catherine d' Aulnoy (Sofje, 1913) apo shqipërimi i “Gyjom Telli” të Alphonse De Lamartine botuar më 1898; “Historia e Shqiptarevet t' Italisë” i Petro Scaglione (1921); “Psikologji e edukatës” i Gustave Le Bon (1923). Një vend të rëndësishëm zë edhe botimi i “Fjalori i Marko Boçarit : le lexique de Marc Botzari” me parathënie në shqip dhe frëngjisht nga Mid’hat Frashëri botuar në vitin 1926.
Nuk mungojnë edhe ribotimet pas viteve ’90 si “Hi dhe shpuzë : proza poetike, novela, kujtime” (1995); “Vepra : Naim Frashëri. Hi dhe shpuzë. Plagët tona” (Prishtinë, 1996); “Naim Frashëri : jetëshkrim” (1996); “Pjesë të zgjedhura nga vepra” (1997); “Shqiptarë dhe sllavë” (1998); “Çështja e Epirit : triptik essesh : përkthim” (1998); “Mbresa udhëtimesh : 1911-1921 : Shkup, Kosovë, Sofje, Zvicër, Paris” (1999); “Fati i Shqipërisë” (1999); “Letërkëmbime” (2000); “Diturija” (1999); “Udhëtarët e huaj në Shqipëri gjer në fund të shekullit XIX” (1999); “Plagët tona : ç'ë na mungon? Ç'ë duhet të kemi? (1999); “Shqiptarët në vendin e tyre dhe jashtë” (2005); “Or' e fundit : proza letrare dhe dokumentare” (2007); “Plagët tona : çë na mungon? çë duhet të kemi?” (2008); “Foleja kombëtare : dramë historike me katër akte” (2008); “Elita shqiptare : një studim mbi veprimtaritë kryesore të Mid'hat Frashërit (Lumo Skendo) dhe pjesë të zgjedhura nga vepra e tij” (2008); “Fati i Shqipërisë : esse të zgjedhura” (2009); “Bibliographie albanaise : [description raisonnée des ouvrages publiès en Albanais ou relatifs a l'Albanie du quinzième siècle a l'année 1900]” i Emile Legrand, plotësuar nga Mid’hat Frashëri dhe Henri Gûys (2011); “Udhëtarët e huaj në Shqipëri gjer në fund të shekullit XIX” (2012); “Çështja çame” (2013); “Kritika” (2016); “Shqiptarët në vendin e tyre dhe jashtë” (2016); “Vepra të zgjedhura (2017) dhe botimin anastatik të revistës “Dituria” (2018), përgatitur nga Biblioteka Kombëtare e Shqipërisë.
Ekspozita do të qëndrojë e hapur për të gjithë vizitorët në hollin e Bibliotekës Kombëtare.
Lajme të tjera
-
Ministri Gonxhja: Biblioteka Kombëtare është në situatë kritike, por nuk do preket! Bibliotekë e re Kombëtare pranë Gardës
17 Shtator, 14:28 -
Rinia ‘lexon’ telefonin! 20-vjeçari bën diferencën, me bibliotekë në dhomë: Librat kushtojnë, por me pak kursim ia dal
23 Prill, 16:24
-
Ekspozitë në 110-vjetorin e lindjes së Petro Markos
22 Dhjetor 2023, 19:37 -
Varri dhe Mithat Frashëri pro dhe kundër
24 Dhjetor 2022, 09:46
-
Testamenti i plotë i Mithat Frashërit depozituar në Gjykatën e Tiranës më 4 Mars 1929
23 Dhjetor 2022, 19:12
-
FOTOGALERIA/ Shkatërrohet në Tiranë memoriali i Mit'hat Frashërit, eshtrat e tij erdhën me debate të forta tetorin e 2018-s
23 Dhjetor 2022, 13:13 -
70-vjetori i Visar Zhitit, mbi gjysmë shekulli krijimtari në Bibliotekën Kombëtare, miqtë rrëfejnë poetin: Nga poezia e parë te arrestimi, na mësoi si jetohet dhimbja
5 Dhjetor 2022, 18:13
-
Panairi, ish-punonjësi i Bibliotekës : I dashuruar me librin sa të jem gjallë! Jam pensionist, kërkoj libra me vlerë e të lirë! Pyeta për Kadarenë, ja ç’më thanë!
16 Nëntor 2022, 17:43
-
Mbi 700 botime nga udhëtarët e huaj që vizituan Shqipërinë, Misha: I pari shoqëroi mbretin e Francës, në oborrin e Sulejmanit të Madhërishëm, lidhja me Shqipërinë
15 Nëntor 2022, 15:42
-
650 titujt e Poradecit i dorëzohen Bibliotekës, e bija: Ishin më shumë, në ’45-ën regjimi i detyroi të grisnin edhe Fishtën! Shënimet e veçanta të poetit
4 Nëntor 2022, 16:29
-
Biblioteka, plane të reja e halle të vjetra! Projekt pa afate te Garda?! Studiuesi: Mos rrini indiferent! Misha: Hapësira sa vjen e ngushtohet
6 Tetor 2022, 17:04
-
'Triangolo' transformohet në rrethrrotullim, Veliaj: Çlirojmë qarkullimin; te Garda do të vijë Teatri i ri i Kukullave dhe Biblioteka e re Kombëtare
25 Shtator 2022, 10:52
