Policia e Fierit ka arrestuar ish-nëndrejtorin e një banke të nivelit të dytë pasi ishte në kërkim për grabitjen e bankës ku ai kishte punuar.

Gjergji Xhaho është prangosur ditën e djeshme pasi ishte dënuar me 12 vite burg për akuzën "Vjedhje të bankave dhe arkave të kursimit".

Sipas burimeve të policisë 47-vjeçari mori dënim të formës së prerë nga Gjykata e Lartë në nëntor të 2015-ës dhe prej një viti ishte në arrati.

Xhaho në vitin 2012 nëpërmjet falsifikimit të dokumenteve arriti merrte nga banka afro 1,3 milionë euro.

Redaksia Online
Al.N/Shqiptarja.com