"Kjo është një fitore e vogël, që shpie drejt një fitoreje të madhe", ka është mendimi kryesor i presidentit të Federatës së futbollit të Kosovës (FFK); Fadil Vokrri pas vendimit të Komitetit Ekzekutiv të UEFA-së që të vendosë në Kongres për pranimin e FFK-së.
Presidenti, Vokrri është shprehur i kënaqur sidomos me faktin, se Kosova është liruar nga pengu politik që e ka mbajtur për vite të tëra.
Sipas statutit në fuqi të UEFA-së një anëtar i ri mund të bëhet pasi që është anëtarësuar në Organizatën e kombeve të bashkuara, nen ky që ka hyrë në fuqi më 2001 me insistimin e Federatës serbe, asaj spanjolle e ruse të futbollit.
"Mendoj se është një hap i rëndësishëm, pasi që tani nuk varet pranimi nga neni i OKB-së, kjo situatë është zhbllokuar", tha Vokrri.
Ai ka filluar të bëjë edhe planet për asamblenë e përgjithshme të UEFA-së që pritet të mbahet në mars të vitit 2016 në Budapest.
"Sipas praktikës juridike duhen siguruar 2/3 e votave, atëherë i bie se na duhen 36 nga 54 votat, ne na kanë pranuar 37 shtete".
Pritet një diplomaci sportive, deri sa Federata serbe ka premtuar se do të lobojë në të kundërtën.
"Reagimet nga Beogradi nuk më befasojnë, por mendoj se tash është hequr barriera politike tani nëse dëshirojnë me na bllokuar ato shtete që na kanë pranuar kjo del jashtë kontekstit. Gjithsesi, do ta riaktivizojmë edhe lobimin përmes Ministrisë së punëve të jashtme".
Është hera e parë që UEFA anashkalon një nen, për një vendim kaq të rëndësishëm, por presidenti Vokrri tregon arsyet.
"Mendoj se së pari ndikoi vullneti i mirë, angazhimi i vetë presidentit, Platini, që ishte kyç në gjithë këtë proces, pastaj dua të falënderojë për angazhimin e tyre edhe presidentin, Armand Duka e atë të Federatës kroate, Davor Shuker".
Gjatë takimet të tij në Maltë, pos takimit të presidentëve të federatave të futbollit kundër atyre të sekretarëve të përgjithshëm, Vokrri e sekretari i përgjithshëm, Eroll Salihu kanë pasur takime të shumta.
"Kemi pasur mjaft takime të rëndësishme, mendoj se çdo gjë lidhet me pranimin, por ne kemi hasur në një vullnet të mirë, për përkrahje të rëndësishme në zhvillimin e futbollit, por edhe kjo çështje kërkon kohë, ndërsa kemi premtime se do të shkurtohen edhe afatet e duhura kohore për anëtarësim të plotë edhe në FIFA e paraqitje në garat e rëndësishme evropiane e botërore", tha Vokrri.
d.b/shqiptarja.com
Lajme të tjera
-
Serbia intensifikon lobimin e saj në Perëndim
28 Korrik 2023, 16:56 -
Skandali i lobimit të Katarit në PE, zv. Presidentja jep dëshminë: I kërkova tim ati të merrte paratë nga shtëpia ime, nuk ishin të mijat
16 Dhjetor 2022, 21:26 -
Deputetët francezë kërkojnë komision hetimor për financimet ruse në politikë, akuzojnë partinë e Le Pen
24 Shtator 2022, 17:23 -
Dosja e SPAK, Petrit Vasili firmosi kontratat e lobimit të Metës me para të dyshimta, nuk u deklaruan në KQZ dhe ILDKP! Rrezikon të merret i pandehur
11 Korrik 2022, 16:26
-
Ato ditë kur presidenti ngjizte lobing me 700 mijë dollarë
22 Qershor 2022, 09:58
-
Gazetarja Xharra: Politikanët kanë paguar për lobimin e tkurrjes së Kosovës
8 Qershor 2020, 23:00
