Skënderbeu në volejboll për femra është kampione e Kupës së Shqipërisë për këtë edicion. Vajzat korçare kanë mundur 2-3 me sete koleget e Partizanit, për të marrë trofeun e tetë. Pas 45 vitesh pritje, vajzat korçare të drejtuara nga trajneri Orlando Koja ia dolën të sigurojnë edhe Kupën, pas kampionatit dhe trofeut "Gjergj Kastrioti".

Në Pallatin e Sportit në Farkë, përballja ishte emocionuese. Seti i parë foli për vajzat e kuq të drejtuara nga turku Bulent Karslioglu, duke u mbyllur 25-18. Në setin e radhës Skënderbeu u përgjigj 16-25, ndërsa në të tretin sërish korçaret me 23-25 përmbysën ndeshjen. Seti i katërt shkoi për vajzat e Partizanit, duke fituar 25-16.

Pas këtij rezultati, dueli ku kishte dhjetra tifozë u drejtua te seti final. 11-15 fituan vajzat e Skënderbeut, me trofeun që shkon në Korçë për herë të tetë në histori. Në finalen e Kupës për meshkujt trofeu shkoi për Tiranën, me bardheblutë që fituan me Erzenin. 

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 14 Mars, 23:51

    18 vite nga Gërdeci, a besoni se do ndëshkohen përgjegjësit e vërtetë?

Lajme të tjera