Votimet në Mitrovicë, Jahjaga:
Ndarja etnike, kapitull i mbyllu

TIRANE- Me gjithë përqindjen e ulët të votuesve gjatë procesit të rivotimit në 3 qendrat në veri të Kosovës, presidentja e Kosovës Atifete Jahjaga e konsideroi procesin zgjedhor si të suksesshëm dhe një kapitull të mbyllur në ndarjen etnike ndërmjet shqiptarëve dhe serbëve.

Jahjaga u shpreh se zgjedhjet vendore do të provojnë se sa kompakt është vendi, dhe në të njëjtën kohë Kosova do të nisë procesin e integrimit në Europë.

Votimi shkoi qetë dhe pa probleme në Mitrovicë pasi prezent ishin forca të shumta policie, si dhe ushtarë të NATO-s e vëzhgues të BE-së.

Kryetarja e KQZ, Valdete Daka tha se procesi nuk ishte i shkëlqyer, por goxha i mirë. Ajo shtoi se nuk pati probleme të mëdha dhe se pati një numër të pranueshëm votuesish që morrën pjesë, 22.38 për qind.

KQZ gjithashtu bëri publik rezultatet e votimit për pjesën veriore të Mitrovicës.

Sipas tyre, kandidati i Iniciativës Qytetare Srbska, Kërstimir Pantiç ka marrë 2 173 vota, ose 37.06 për qind të numrit të përgjithshëm të votuesve, kurse Oliver Ivanoviç i IQ SDP 1.673 vota, ose 28.53 për qind të tyre. Dy kandidatët do të garojnë më 1 dhjetor në balotazh.

Ndërkohë kandidati i PDKS-së, Agim Deva ka marrë 1.190 vota, ose 20.29 për qind.


Redaksia Online
(e.s/shqiptarja.com)

TAG:
• kqz