POP 5

Lajmet më të lexuara të 5 minutave të fundit

Kronikë

Zbardhet pas 4 vitesh vrasja e Besnik Hidës në Lushnjë! Autorët janë Laert Haxhiu, Orges Bilbili, Ardian Ahmetaj! Policia: Implikimi i tyre u zbulua nga qelizat telefonike

Laert Haxhiu, Orgest Bilbilin dhe Ardian Ahmetaj të tre persona me precedëntë penalë, janë 3 autorët e vrasjes së 40-vjeçarit Besnik Hida 4 vite më parë në Lushnjë. Policia e zbardhi vrasjen nga analizimi i qelizave telefonike, pamjeve të kamerave të sigurisë dhe dëshmive të reja

Laert Haxhiu, Orgest Bilbili dhe Ardian Ahmetaj sipas policisë janë autorët e vrasjes së 40-vjeçarit Besnik Hida në Lushjë, katër vite më parë. Policia e Fierit e konsideron këtë ngjarje të zbardhur ndërsa autorët e dyshuar të ngjarjes, rezultojnë emra të njohur të krimit në Lushnjë.

Tregtari i makinave Besnik Hida, u ekzekutua teksa ishte duke pirë kafe në një lokal në lagjen "Skënder Libohova" në qytetin e Lushnjës mëngjesin e datës 1 tetor 2019. Vrasësit në atë kohë ishin me maska dhe përdorën një makinë të cilën ia kishin grabitur një çifti në Tiranë. Hida ishte daja i Zamir Latifit, të riut që u vra aksidentalisht më 11 tetor 2017 në të ashtuquajturën “masakra e Lushnjës”, teksa shënjestër ishte Xhulio Shkurti, nipi i Aldo Bares. Përgjatë 3 viteve në vijim 40-vjeçari vijonte të kërkonte drejtësi për nipin, por u eliminua edhe vetë.

Report Tv mëson se vrasja e 1 tetorit 2019 është zbardhur përmes ri-ekspertimit të qelizave telefonike, të cilat kanë rezultuar me përputhshmëri të plotë me vendin dhe kohën e atentatit të tre autorëve të dyshuar të vrasjes. Burime bëjnë me dije se ndihmë në hetime kanë dhënë edhe pamjet filmike dhe disa dëshmi, të cilat u përdorën për të kërkuar masë “arrest në burg” për tre të dyshuarit.

Laert Haxhiu, 31 vjeç, aktualisht është i arrestuar në Greqi i akuzuar edhe për masakrën e vitit 2017-ës ku u vranë Zamir Latifi dhe Jurgen Hoxha. Në vijim pritet ekstradimi drejt Shqipërisë, por do të jenë gjykatat greke që do të vendosin.

Nga ana tjetër, Orges Bilbili, 33 vjeç, është i dënuar me burgim të përjetshëm për masakrën e 2017-ës, bashkë me Anterio Kaloshin, ndërsa Ardian Ahmetaj, 49 vjeç, aktualisht ndodhet në burg në Greqi, i arrestuar në 2020-ën, i dënuar me 11 vjet burg nga Gjykata e Athinës, për armëmbajtje pa leje në rrethana rënduese.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Dash Labi: 20/07/2023 11:32

    Kta jan ekzekutoret,po financuesit ??? I di gjith Lushnja,Saimir Taullau dhe pas tij Edmond Bego miku i Taos dhe tjetri Land Shyti...komisariati,shish kan qen ne sherbim te ktyre,kush e kishte nje fuqi te till ???

    Përgjigju
    • Dash Labi: 20/07/2023 14:40

      @MMNN Sigurisht dhe Qamili qe pastron leket e te birit duke u hequr si fermer dhe duke parkuar autokombanjat te karburanti i Saimir Taullaut... Klevioli ngeli duke i ber keng ktyre Laertit Gestit Julit e ne klipe me cunat e Taullaut dhe Qmili del e ben si gjynaqar e i pa fajshem

    • MMNN: 20/07/2023 14:27

      keta jane familje kriminelesh nga i biri te i ati, te kthjeje pak syte prokuroria dhe nga i ati se mos del dhe ky i perfshire i biri qe kerkon azil azil greqi pasi vret 4-5 veta.

  • Sondazhi i ditës:

    A besoni se do realizohet vota e diasporës për zgjedhjet e ardhshme?

Lajme të tjera



×

Lajmi i fundit

Vendosi 100 mijë paund baste, Sandro Tonali dënohet sërish

Vendosi 100 mijë paund baste, Sandro Tonali dënohet sërish

3 Maj, 16:58