Vrasja e Martin Canit, 14 vjeçari i arrestuar si autor transferohet në burgun e të miturve Kavajë! Mjeku i spitalit privat vonoi 2 ditë epikrizën e tij (EMRI)

Tirane- Është transferuar në institucionin e të miturve në Kavajë 14 vjeçari i arrestuar si autor i vrasjes së Martin Canit.  Për herë të dytë një grup i përbërë nga pesë persona dhe që janë komision i ngritur me urdhër të drejtorit të përgjithshëm të burgjeve, shkuan sot në spitalin privat ku mbahet i mituri por mjeku Dritan Todhe nuk përcaktonte gjendjen shëndetësore të 14-vjeçarit. Situata u zgjidh në orën 12:00

Cfarë ndodhi më parë. Mjeku refuzonte të bënte epikrizën

Komisioni i ngritur nga Drejtoria e Përgjithshme e Burgjeve po has pengesa në transferimin e 14 vjeçarit në paraburgim. Shkak është doktori i spitalit privat që nuk dorëzon epikrizën për gjëndjen shëndetësore të  të miturit me iniciale M.P., i akuzuar për vrasjen me thikë të Martin Canit. 

Për herë të dytë një grup i përbërë nga pesë persona dhe që janë komision i ngritur me urdhër të drejtorit të përgjithshëm të burgjeve, kanë shkuar në spitalin privat ku mbahet i mituri por mjeku Dritan Todhe nuk përcakton gjendjen shëndetësore të 14-vjeçarit. Mjeku ka pretenduar se nuk është anëtar i Komisionit e nuk mund të bëj epikrizën.

Grupi i përfaqësuesve nga burgjet ka qenë dhe dje (25 nentor) edhe sot në mëngjes por ende nuk kanë tërhequr epikrizën që përcakton gjëndjen shëndetësore të të miturit për të vendosur më pas se ku do të vendoset i mituri, në spitalin e burgut apo në institucionin e të miturve në Kavajë.

14 vjeçari M.P akuzohet se vrau Martin Canin, 14 vjeç, shok në klasën paralele të shkollës “Fan Noli” në Tiranë më 18 nëntor 2024 pak metra larg shkollës.

I mituri pritet të merret në pyetje sërish ndërsa thika është dërguar në laborator për tiu nënshtruar ekspertizë. 

Ende nuk dihet ekspertiza e vdekjes së Martinit, i cili mori një goditje me thikë në zemër, dhe ende nuk dihet ekspertiza e të plagosurit, që fakton nëse është goditur me një thikë apo me 2 thika të ndryshme.

Ndërkohë në polici ka shkuar edhe i mituri, i cili sipas dëshmisë së babait të shokut të Martinit ka qenë autori i dytë. Ky i fundit ka dhënë dëshmi në prani të psikologes. Ai ka thënë që ka qenë në sherr por është larguar se ishte goditur me grusht, para se të ndodhte goditja me thikë.

Lajmi ne perditesim... 

S.G/Shqiptarja.com

TAG:
• martin cani
• vrasja e 14 vjecarit
• Tirane