POP 5

Lajmet më të lexuara të 5 minutave të fundit

Bota

Vrasja e Nasrallah, Irani kërkon takim urgjent në OKB! Dhjetëra sulme izraelite kundër objektivave të Hezbollahut në Liban

Pasi ushtria izraelite njoftoi vrasjen e liderit të Hezbollahut, Hassan Nasrallah gjatë sulmit të 27 shtatorit, Irani ka kërkuar një mbledhje urgjente Këshillit të Sigurimit të OKB-së.

Vrasja e Nasrallah, Irani kërkon takim urgjent në OKB! Dhjetëra sulme izraelite kundër objektivave të Hezbollahut në Liban

Qytetarët në Liban homazhe për Nasrallah

Pasi ushtria izraelite njoftoi vrasjen e liderit të Hezbollahut, Hassan Nasrallah gjatë sulmit të 27 shtatorit, Irani ka kërkuar një mbledhje urgjente Këshillit të Sigurimit të OKB-së.

Nëpërmjet një letre, ambasadori iranian Amir Saeid Iravani kërkoi "të merren masa të menjëhershme dhe vendimtare për të ndaluar agresionin izraelit dhe për të parandaluar një luftë të re në rajon".

"Irani nuk do të hezitojë të ushtrojë të drejtat e tij të qenësishme sipas ligjit ndërkombëtar për të marrë çdo masë në mbrojtje të interesave të tij jetike kombëtare dhe të sigurisë," tha Iravani.

Ndërkohë, mediat raportojnë për dhjetëra sulme të reja izraelite kundër objektivave të Hezbollahut në Liban.

Kryeministri izraelit Benjamin Netanyahu reagoi për vrasjen e Nasrallah, ndërsa e quajti atë larje hesapesh. Pas kthimit të tij nga fjalimi në Kombet e Bashkuara në Nju Jork, Netanyahu tha se vrasja e Nasrallah ishte një pikë kthese historike që mund të ndryshojë balancën e fuqisë në Lindjen e Mesme.

“Ne kemi larë hesapet me ata që janë përgjegjës për vrasjen e një numri të madh izraelitësh dhe shumë qytetarëve të vendeve të tjera, duke përfshirë qindra amerikanë dhe dhjetëra francezë”, tha kryeministri Netanyahu. 

Vrasja e Nasrallah erdhi vetëm një javë pas shpërthimit vdekjeprurës nga Izraeli të qindra pagerëve. Ky sulm ka eliminuar gjysmën e këshillit drejtues të Hezbollahut dhe ka shkatërruar komandën e tij të lartë ushtarake.

Kush ishte Hassan Nasrallah?

Hassan Nasrallah, ka udhëhequr grupin militant libanez për tre dekadat e fundit dhe e ka transformuar atë në një nga grupet paraushtarake më të fuqishme në Lindjen e Mesme. Nën udhëheqjen e 64-vjeçarit Nasrallah, Hezbollahu ka luftuar kundër Izraelit dhe ka marrë pjesë në konfliktin në Sirinë fqinje, duke ndihmuar presidentin Bashar Assad.

I parë nga mbështetësit e tij si një strateg karizmatik dhe mendjemprehtë, Nasrallah e transformoi Hezbollahun në një armik kryesor të Izraelit, duke çimentuar aleancat me udhëheqësit fetarë shiitë në Iran dhe grupet militante palestineze si Hamasi.

Një orator i zjarrtë i parë si një ekstremist në SHBA dhe në pjesën më të madhe të Perëndimit, ai konsiderohej gjithashtu një pragmatist në krahasim me militantët e zjarrtë që dominuan Hezbollahun pas themelimit të tij në 1982, gjatë luftës civile në Liban.

Pavarësisht fuqisë që zotëronte, Nasrallah ka jetuar kryesisht i fshehur në vitet e fundit nga frika e një atentati izraelit. I lindur në vitin 1960 në një familje të varfër shiite në periferinë veriore të varfër të Bejrutit, Sharshabouk, Nasrallah më vonë u zhvendos në Libanin jugor. Ai studioi teologji dhe iu bashkua lëvizjes Amal, një organizatë politike dhe paraushtarake shiite, përpara se të bëhej një nga themeluesit e Hezbollahut.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Neymar do të bëhet baba për herë të katërt (VIDEO)

Neymar do të bëhet baba për herë të katërt (VIDEO)

26 Dhjetor, 18:21