POP 5

Lajmet më të lexuara të 5 minutave të fundit

Kronikë

Vrasja e Santiagos, hija e klanit 'Duka' pas ekzekutimit të ish-policit të Tiranës

Një grup kriminal që po fiton ndjeshëm teren në kryeqytet, hetohet për vrasjen që tronditi Tiranën...

Vrasja e Santiagos, hija e klanit 'Duka' pas ekzekutimit të ish-policit të Tiranës

Santiago Malko

Hija e një grupi kriminal që ka dalë rishtazi në Tiranë dhe që po fiton ndjeshëm teren në raport me grupet e vjetra në kryeqytet, duket se qëndron pas vrasjes së ish-efektivit të policisë Santiago Malko. Ky i fundit u qëllua me mbi 10 plumba teksa po lëvizte me automjetin e tij “BMWX5”. Dhjetë ditë nga kryeja e këtij krimi të rëndë, policia dhe prokuroria e Tiranës është fokusuar tek dy persona që ka shumë dyshime se ata mund të jenë individët që kanë organizuar dhe ekzekutuar Santiago Malkon.

Një burim pranë grupit hetimor të kësaj çështje u shpreh për “Shqiptarja.com” se prapa kësaj vrasje qëndron hija e një grupi kriminal në Tiranë, që njihet ndryshe si klani “Duka”. Hetuesit gjatë kësaj periudhe kanë verifikuar disa indicie nëse vrasja e Malkos lidhej me dy atentate të zhvilluara në Durrës, por në fakt nuk është konstatuar ndonjë lidhje e mundshme mes këtyre ngjarjeve të zhvilluara në Durrës dhe Tiranë. Të vetmet dyshime që tashmë kanë mbetur në tavolin e grupit hetimor janë ato që flasin se eleminimi fizik i Santiagos ose siç thirej shkurt nga shoqëria “San”, bien mbi dy anëtarë të klanit “Duka” në kryeqytet.

Nga informacionet operative të policisë por edhe nga të dhënat e rregjistruara në kartotekën kriminale, ky klan çdo ditë e më tepër po rritet dhe fiton territor në kryeqytet. Disa prej anëtarëve të këtij grupi disa kohë më parë janë proceduar penalisht nga prokuroria e Tiranës për veprën penale të “Mbajtjes pa lejë të armëve luftarake”, por që hetoheshin në gjëndje të lirë. Klani “Duka” kohët e fundit ka shfaqur rivalitet me një grupim tjetër në Tiranë, ku nga ky rivalitet gjatë kësaj kohe nuk kanë munguar dhe konfliktet, zënka këto që nuk janë bërë publike dhe nuk janë rregjistruar si ngjarje në polici. Për momentin të dyshuarit e vetëm të policisë dhe prokurorisë së Tiranës për vrasjen e Santiago Malko, janë personat me inicialet D.A dhe L.D.

Por deri në këto momente këta persona nuk janë ndaluar nga policia. Nga ana tjetër viktima Santiago Malko rezulton si person kontigjent kriminal dhe që mbante shoqëri me personazhe të njohur dhe të përfolur shpesh në disa ngjarje kriminale në Tiranë. Përfshirja e fundit e Malkos në ngjarje kriminale ka qënë ajo e 4 tetorit 2018, ku Santiago shfaqet përkrah grupimit të Ervis Martinaj, duke hyrë në ambjentet e lokalit “Monopol”, ku dhe ndodhi përplasja me armë, gjatë së cilës mbeti i vrarë Fabian Gaxha, dhe u plagosën Ervis Martinaj dhe Elion Hato. Santiago Malko pas përjashtimit nga radhët e policisë së shtetit ka qenë pjesë e Inspektoratit të Mjedisit dhe Pyjeve.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Dori: 07/09/2019 10:19

    Kontrrolloni visin mir se ai i di te gjitha

    Përgjigju
  • Hasani: 07/09/2019 09:05

    E ka thene vete z. Kryemunister qe hani kokat e njeri tjetrit.

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

'Ka nisur një fushatë dizinformimi', Policia reagon pas deklaratave të babait të shokut të Martinit: Kemi pamje filmike, nuk ka autor të dytë në ngjarje

'Ka nisur një fushatë dizinformimi', Policia reagon pas deklaratave të babait të shokut të Martinit: Kemi pamje filmike, nuk ka autor të dytë në ngjarje

24 Nëntor, 14:28