POP 5

Lajmet më të lexuara të 5 minutave të fundit

Kronikë

Vrasja, gjenden 15 plumba
në trupin e Edmond Dervishit

Policia e Tiranës ka ngushtuar rrethin në lidhje me vrasjen e 50-vjeçarit Edmond Dervishi, pranë gjimnazit "Partizani" mbrëmjen e së dielës 14 korrik.
VIDEO1/VIDEO2/ U vra në hyrje të pallatit
TIRANE - Edmond Dervishi u ekzekutua me 15 plumba. Instituti i Mjeksisë Ligjore në Tiranë, i cili ka ekzaminuar trupin e 50-vjeçarit të vrarë të dielën e 14 korrikut, bëri të ditur dhe disa prej detajeve të mënyrës se si u qëllua.

Burime nga ky institucion pohuan për Shqiptarja.com, se Dervishaj u vra nga 15 plumba. Ndërkohë që policia ka gjetur në vendngjarje, 18 gëshoja të kalibrit 7.65 mm.

Burimet kanë pohuar për Shqiptarja.com dhe A1 Report, se në trupin e viktimës janë gjetur katër plumba, të cilët kishin mbetur brenda, ndërsa 11 të tjerë kanë qenë tejshpues. Gjithashtu, është mësuar se të gjitha plagët janë marrë nga ana e majtë, ndërsa është qëlluar në Kokë, krah, bark dhe kofsh. Shumica e plumbave kanë depërtuar trupin, duke i shkaktuar dhe vdekjen e menjëhershme.

Ndërkohë, policia e Tiranës ka ngushtuar rrethin në lidhje me vrasjen e 50-vjeçarit Edmond Dervishi, pranë gjimnazit "Partizani". Burime nga Drejtoria e Policisë së Tiranës dhe nga grupi hetimor, pohuan për "Shqiptarja.com", se megjithëse hetimet janë të shtrira në disa drejtime, më shumë po punohet në lidhje me aktivitetin e tij të viteve, i cili po sipas policisë, lidhet me trafikun e narkotikëve.

Gjithsesi, në "lupën" e policisë e prokurorisë, janë edhe flirtet e 50-vjeçarit, i divorcuar vite më parë nga bashkëshortja. Po ashtu, ekspertët dhe prokurorët po shikojnë edhe mundësinë e hasmërive të vjetra, që lidhen me vrasjen e vëllait të tij, Gentian Dervishi, si dhe ekzekutimet e të fortëve të Tiranës, Franc Konomi e Gaz Muça.

Burimet policore deklaruan, se asnjë prej pistave nuk anashkalohet, por më shumë, nga të dhënat e siguruara deri tani, policia e lidh ngjarjen me trafikun e drogës në kryeqytet.

Edmond Dervishi, ish-shofer në kryeministri dhe së fundmi, punonjës pranë KQZ-së, u ekzekutua me tetë plumba, të djelën në mbrëmje, rreth orës 21.55 minuta, në rrugën "Thanas Ziko", pranë gjimnazit "Partizani". Ai u qëllua në hyrje të pallatit ku jetonte me një vajzë, ndërkohë që numri i të shoqëruarve e ka kaluar numrin 25. Autorët dyshohet se kanë qenë 3, një ka pritur në një "Benz" të zi, ndërsa dy të tjerët e kanë ndjekur dhe qëlluar sapo ka hyrë në pallat.

Redaksia online
(sg/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Aksi Elbasan-Lekaj/ Nënshkruhen 6 kontratat me vlerë 148 mln euro, punimet do zgjasin 24 muaj

Aksi Elbasan-Lekaj/ Nënshkruhen 6 kontratat me vlerë 148 mln euro, punimet do zgjasin 24 muaj

11 Janar, 10:43