'Vrasja në burgun e Peqinit/ 'E bëra kur mora lajmin në media që u futa në 41-Bis!' Mjacaj fshehu pistoletën tek kutia e qumështit

Në dëshminë e drejtorit të burgut të Peqinit, Kamber Hoxha zbulohet se ku e kishte mbajtur të fshehur pistoletën të cilën sipas dëshmisë së tij e kishte arritur ta siguronte gati një muaj para se të kryente ekzekutimin. Madje dhe pse e bëri.

Mjacaj i ka treguar drejtorit të policisë se armën e kishte kam futur para një muaji dhe e kishte fshehur në kutinë e qumështit.

Shtetasi Sokol Mjaca kishte tre ditë. Unë kam komunikuar me Sokolin për rreth një orë e gjysëm, pasi ai u fut tek dhoma e takimit. Në komukimin ishte shumë i qetë. Me tha se armën e kam futur para një muaji dhe e kam mbajtur të fshehur në kutinë e qumështit.

LEXO EDHE:
Kërkoi të dalë nga izolimi në ‘41 bis’, GJKKO rrëzon kërkesën e Sokol Mjacaj

Sokol Mjacaj ishte transferuar nga godina A e burgut të Peqinit, në godinën B, ku ndodhej edhe Arben Lleshi, rreth 3 muaj para se të kryente krimin ka dëshmuar Shefi i regjimit të burgut, Vilson Shima 37 vjeç. Ai ka dëshmuar se kontrolli fizik, si edhe kontrolli i dhomës së Sokol Mjacajt është bërë rreth 1 muaj e gjysmë para se të ndodhte vrasja dhe nuk i është gjetur asnjë send i kundraligjshëm. 

Ndërsa gjatë bisedës që kishte bërë me drejtorin Mjacaj i ka thënë se e kishte bërë pasi kishte mësuar se do të hynte në 41 Bis. 

"E bëra këtë kur mora lajmin nga mediat që u futa në 41-Bis. Nuk mund ta sqaroj se si ka ndodhur, pasi kontrolli është kryer, por mund të këtë patur neglizhencë në ndonjë moment të caktuar nga punonjësit e policisë të cilët kanë kryer kontrollin. Kontrolli kryhet kryesisht me dorë duke i kontrolluar një për një sendet dhe me dedektor dore" dëshmoi Kamberi

Lajmi kryesor:

Vrasja në burgun e Peqinit, Sokol Mjacaj vrau Arben Lleshin pak minuta pasi mësoi se do izolohej në 41 Bis! 90 minuta negociata me drejtorin

S.G/B.K/Shqiptarja.com

TAG:
• vrasje ne burgun e peqinit