POP 5

Lajmet më të lexuara të 5 minutave të fundit

Vrau prindërit e të dashurit dhe trupat ua futi në valixhe, 37-vjeçarja shqiptare mëson datën e gjyqit në Itali

Shpëtim dhe Teuta Pasho u zhdukën në vitin 2015 dhe trupat e tyre u gjetën në dhjetor 2020 në valixhe të braktisura. Gruaja nuk ka dashur t'i bëjë të ditur të dashurit se ka mbetur shtatzënë gjatë kohës kur ai ishte në burg

Elona Kaleshi dhe çifti Pasho

Elona Kaleshi dhe çifti Pasho

Elona Kaleshi, 37-vjeçarja shqiptare e akuzuar për vrasjen e çiftit Shpëtim dhe Teuta Pasho, bashkatdhetarë të saj dhe prindër të ish-të dashurit të saj, Taulant Pashos, do të gjykohet nga Gjykata e Firences për vrasje të dyfishtë, fshehje krimi dhe përçmim të kufomave. Bashkëshortët u zhdukën në tetor 2015 dhe trupat e tyre, të copëtuar, u gjetën në dhjetor 2020 në valixhe të braktisura. Seanca e parë do të mbahet më 15 shkurt 2022.

Zhdukja e bashkëshortëve Pasho, të cilët mbërritën në Itali për të takuar djalin e tyre Taulantit, i cili do të dilte nga burgu i Firences mëngjesin e 2 nëntorit 2015, është denoncuar nga vajza e çiftit, Vitore, tek karabinierët e Castelfiorentino në ( Firence).

Sipas hetuesve, vrasja e dyfishtë ka ndodhur ndoshta mbrëmjen e para daljes së Taulantit nga burgu, në banesën në Firence, në via Fontana, të cilën Elona e kishte marrë me qira për prindërit e të dashurit të saj. Sipas akuzës, 37-vjeçarja dyshohet se ka vrarë çiftin Pasho, pasi nuk ka dashur që ato t'i tregojnë të dashurit të saj, se ajo kishte mbetur shtatzënë me një tjetër, gjatë kohës kur ai ishte në burg.

Shpëtim dhe Teuta Pasho u gjetën të masakruar më 15 dhjetor në 3 valixhe, ndërkohë që një ditë më vonë u gjet edhe e katërta me pjesët e tjera të trupave. 

Vendi ku u gjeten trupat e ciftit Pasho
 

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A mendoni se Presidenti i ri do të jetë një prej emrave të propozuar nga opozita?

Lajme të tjera



×

Lajmi i fundit

John

10 mln euro grante për Start Up-et për sipërmarrësit e rinj, ministrja Bilali në ‘Pa Protokoll’: Aplikimet të hapura që nga 16 maji, ja 3 kategoritë që përfitojnë

20 Maj, 22:55