LEZHË - Merr fund tragjikisht arratia dy ditore e 47-vjeçarit që vrau ish-bashkëshorten dhe vëllanë e saj më 25 shkurt në Kodër Rrëshen. Fatmir Kolecaj vrau veten mbrëmjen e kësaj të enjteje, në oborrin e banesës së tij në fshatin Zejmen të Lezhës, pasi u rrethua nga policia, duke i dhënë fund jetës në të njëjtën ditë që u përcollën në banesën e fundit edhe vëlla e motër.
Ai fillimisht ka bërë rezistencë duke qëlluar ndaj efektivëve të policisë që zbuluan se 47-vjeçari ndodhej në banesë, ku pasi ka qëlluar me armë në drejtim të uniformave blu, la të plagosur në këmbë një efektiv. Me thirrjen e përforcimeve me forcat RENEA, kur ka kuptuar se nuk kishte asnjë mundësi për të shpëtuar nga arrestimi, ka vrarë veten me armë. Fatmir Kolecaj jetonte i vetëm në banesën në Zejmen të Lezhës, pasi babai dhe vëllai ishin në emigracion, ndërsa nëna i kishte ndërruar jetë vite më parë.
Dy ditë më parë (më 25 shkurt) ai vrau në Kodër Rrëshen ish-gruan Esmeralda Filopati 36 vjeçe, nënë e tre fëmijëve, dhe kunatin, 34-vjeçarin Vledison Filopati, pasi u bëri pritë në hyrje të banesës së tyre. 47-vjeçari kishte tentuar vetëvrasjen edhe në 2017 në kohën kur ishte i burgosur në Shënkoll të Lezhës, pasi u dënua për dhunë në familje dhe armëmbajtje. Pasi doli nga burgu një vit më parë konfliktet për kujdestarinë e fëmijëve vijuan dhe mbrëmjen e së martës kreu vrasjen e dyfishtë. Ai ishte divorcuar me Esmeraldën 3 vite më parë.
Si u rrethua nga policiaForca të shumta të Policisë së Shtetit prej 45 orë kërkuan me efektivë të RENEA, FNSH-së, madje edhe me dron për autorin e ngjarjes. 47-vjeçari ka qenë i fshehur në pyjet e Mirditës dhe kishte udhëtuar në këmbë drejt pyjeve të Lezhës për të mbërritur në banesën e tij në fshatin Zejmen të Lezhës. Para se të futej në banesë ai është lokalizuar nga policia që i kanë bërë thirrje të ndalet, por nuk është bindur. Me evidentimin e këtij fakti, Forcat e FNSH-së të Shkodër krijuan perimetrin e jashtëm të rrethimit të banesës dhe i bënë thirrje autorit që të dorëzohej. Por Fatmir Kolecaj ka hapur zjarr duke lënë të plagosur në këmbë jashtë rrezikut për jetën një punonjës të FNSH-së, Shkodër. Më tej forcat speciale Renea krijuan një rrethim të dytë ku i bënë thirrje autorit të hidhte armën dhe t'i dorëzohej policisë. Por autori Fatmir Kolecaj kur ka parë se s'kishte asnjë mundësi që të largohej nga banesa ka vrarë veten me armë zjarri, njofton Policia e Shtetit.
Në video shfaqet momenti ku efektivi i plagosur Kastriot Haxhiaj sillet me ambulancë nga Lezha në Spitalin e Traumës në Tiranë. 51-vjeçari ishte në gjendje të vetëdijshme dhe se gjendja e tij sipas mjekëve nuk është kritike.
Në pritje të tij në Spitali i Traumës ishte dhe Drejtori i Policisë së Shtetit, Ardi Veliu.
Efektivi që mbeti i plagosur gjatë rrethimit të 47-vjeçarit Fatmir Kolecaj, është dërguar në Tiranë ku ndodhet në sallën e operacionit në Spitalin e Traumës.
Kastriot Haxhiaj, 51 vjec, nga Lezha, ka marrë plagë në këmbë dhe situata e tij nuk është kritike për jetën. Ai po merr mjekimin e duhur në Spitalin e Traumës. ndërsa mbeti i plagosur gjatë gjuajtjes me armë zjarri nga Fatmir Kolecaj, i cili më pas vrau veten.
"Në lidhje me ndjekjen, lokalizmin dhe kapjen e autorit të ngjarjes së mbrëmjes të datës 25 shkurt në Kodër Rrëshen ku mbetën të vrarë me armë zjarri vëlla e motër, forca të shumta të Policisë së Shtetit prej 45 orë kërkimesh dhe kryeje të veprimeve proaktive kanë bërë të mundur që të lokalizonin autorin e ngjarjes i cili në orët e mbasdites është futur nëpërmjet pyllit në banesën e tij në fshatin Zejmen të Lezhës.
Forcat e FNSH-së të Shkodër kanë krijuar perimetrin e jashtëm të rrethimit të banesës dhe i kanë bërë thirrje autorit që të dorëzohej.
Autori i ngjarjes shtetasi Fatmir Kolecaj, nuk i është përgjigur thirrjes së Policisë për tu dorëzuar, por ka hapur zjarr në mënyrë të befasishme mbi forcat e Policisë dhe për pasojë nga të shtënat është plagosur në këmbë jashtë rrezikut për jetën një punonjës i FNSH-së, Shkodër.
Në ndihmë të FNSH-së dhe Policisë lokale kanë shkuar edhe forcat speciale Renea ku kanë krijuar një rrethim të dytë dhe i kanë bërë thirrje autorit të hidhte armën dhe ti dorëzohej Policisë.
Autori Fatmir Kolecaj kur ka parë se s'kishte asnjë mundësi që të largohej nga banesa ka varë veten me armë zjarri.
Në vendngjarje ka shkuar grupi hetimor ku vijon veprimet për dokumentimin e plotë të ngjarjes", njofton policia e shtetit.
Komente
Lajme të tjera
-
Vrasja e ish-drejtorit të OST në 2016, Gjykata e Lezhës dënon me burg përjetë vrasësin me pagesë
12 Korrik, 08:50
-
Aksidentohet Fuoristrada në afërsi të Rrëshenit, shpëton mrekullisht familja
14 Maj, 20:03 -
Aksident i rëndë në Kurbin, zetori bie në kanal, zuri poshtë shoferin 60 vjeç e punëtorin e tij 21 vjeçar (EMRAT+VIDEO)
10 Prill, 15:51
-
Mirditë/ Makina del nga rruga në Kodër-Rrëshen, shpëton mrekullisht familja
9 Prill, 12:06 -
Nga vinçiere në kuzhiniere dhe artizane! Veshja mirditore i ndryshon jetën Drane Fizit nga Rrësheni: Është e veçantë, nuk ka të dytë si kjo
20 Mars, 20:33
-
Rrëshen, Rama viziton shkollën profesionale! Batuta me Dom Gjergjin: Ogur i mirë kur vijmë ne! Bien kambanat
3 Mars, 13:51 -
'Aksi Rrëshen – Urakë në gjëndje të mjerueshme!' Humanitarja austriake letër të hapur kryeministrit Rama dhe zv/kryeministres Balluku: Ndoshta ju vetë nuk ju ka rastisur të kaloni
10 Nëntor 2023, 12:10 -
VIDEO/ Aksident në Rrugën e Kombit, përplasen dy makina, njëra kthehet përmbys në mes të rrugës! Disa të plagosur
29 Tetor 2023, 13:33 -
Rruga e Lurës, Mirdita kërkon ndryshimin e projektit, Kryebashkiaku: Qeveria të financojë segmentin Rrëshen-Perlat
28 Tetor 2023, 15:45
-
Personazh/ Mjeshtrja e elektromotorëve në Rrëshen, pas 47 viteve punë Tereza Leka sfidon moshën dhe vështirësitë
23 Tetor 2023, 17:58
-
Speciale/ 28 vite ‘luftë’ mes fiseve në Rrëshen! Si nisi kalvari i ekzekutimeve prej vitit 1995
21 Tetor 2023, 08:59
-
Atentati në Rrëshen/ Autorët për tre ditë ndoqën lëvizjet e Martin Bardhit! Motori i 'Jeep' hyri nga Kosova e solli një laçjan
20 Tetor 2023, 16:47
Kush me thote:FAJINE QË KANË ATA FËMIJË QE NGELEN RRUGEVE JETIM!!!pse???per cfar??? O njeri i idiot.
PërgjigjuShtazë
PërgjigjuPse tragjikisht, a mund te quash tragjike vetvrasjen e ketij ?
PërgjigjuKëta duhet ti vrasë policia,nuk kanë pse qëndrojnë nëpër burgje e të hanë në kurriz të taksapaguesëve shqiptarë.
PërgjigjuMorri ate qe i takonte
PërgjigjuEpaka ber mire qe pqsoa vrar vehten maskarai pasi e dite mire se kudote perfundonte edhe aji siqene ne koshin e plereve dote perfundonte.Te gjitha ata qe vrasin i pret ky fund tragjik odot vritet nga dikush ose dot vetvritet.Boll i kaduruar ky popull keto fytyra cjerzore.
Përgjigju