TIRANE - Nuk arriti të takohej me frikën e tij më të madhe, plakjen por më vdekjen u takua sot, ndërsa mbylli sytë përjetë këtë mes gushti në largimin e tij të parakohshëm. Fatos Baxhaku u nda nga jeta në moshën 55-vjecare duke u larguar pa zhurmë. Nuk e shihnim prej kohësh në këtë rremuz ngjarjesh, penën e mprehtë dhe kritike të një tranzicioni të gjatë shqiptar. Publicisti, gazetari bashkëthemeluesi i disa prej mediave të shkruara në vend, ndërsa kësaj here ka lënë zbrazëtinë e tij fizike, por jo të veprave, autori i reportazheve te njohura "Tunel, "Rrugëtim", "Shtëpia e Vjetër" si edhe i shumë dokumentarëve televizive.
Gazetaria është në zi, shuhet një emër i njohur, ndërsa miq dhe kolegë që punuan dhe e njohën nga afër janë në sinkroni kur duke ndryshuar statuset në Facebook shprehin keqardhjen për humbjen e tij.
Unioni i Gazetarëve shkruan se Baxhaku ishte një nga themeluesit e kësaj shoqate. “Prej disa kohësh kolegu ynë i dashur përballej në heshtje sizifi me sëmundjen e rêndë duke zgjedhur dhe preferuar që kapitullin e fundit të betejës fatale ta vijonte me heshtjen e vet fisnike te modestisë dhe larg zhurmës”.
Përfaqësues nga politika kanë shprehur ngushëllimet e tyre, teksa kanë vlerësuar kontributin e tij në shtypin shqiptar të fillim të viteve '90.
Ti e zgjodhe udhën tënde, atë të përjetësisë, si çdo shteg që shkele për tu rikthyer sërish me penën tënde. Por kësaj here vendose të ikje për të mos u kthyer më.
Lamtumirë Tosi, siç miqtë të thërrisnin në dekata…Pushofsh në paqe…
Kush ishte Fatos Baxhaku
Baxhaku lindi në Tiranë me 9 janar në 1964. Shkollimin e parë e kreu në shkollat asokohe 8-vjeçare, Emin Duraku dhe " 20 Vjetori", (sot Dora D'Istria). Shkollimin e mesëm e kreu ne gjimnazin "Ismail Qemali". Përgjatë viteve 1982-1986 studioi në Unversitetin e Tiranës ne fakultetin e Histori-Filologjisë ku u diplomua ne histori. Që nga 1986 e deri ne 1992 punoi në Institutin e Historisë së Akademisë së Shkencave. Në periudhën 1998-1999 ishte kryeredaktor i pare i lajmeve në televizionin "Klan". Në 1999-2000 ishte kryeredaktor i revistës së përjavshme "XXL". Nga 2001 deri ne 2005 ishte kryeredaktor dhe gazetar në televizionin "Vizion Plus". Nga viti (2015) ai ishte gazetar në profesion të lirë. Fatos Baxhaku ka qenë disa here pedagog i jashtëm i gazetarisë në universitetet e Elbasanit dhe Tiranës, si dhe ka qenë anëtar i Komitetit Shqiptar te Helsinkit.
Komente
Lajme të tjera
-
Alba Malltezi: Mirësia dhe qytetaria që do të ndjeni në rrugën “Fatos Baxhaku” në Tiranë
7 Nëntor 2022, 13:00
-
Një rrugë në Tiranë merr emrin e gazetarit Fatos Baxhaku/ Veliaj: Përfaqësues i vlerave të gazetarisë së vërtetë
5 Nëntor 2022, 14:03 -
Vlera e çmuar e një shkolle me emrin Andrea Stefani
12 Shtator 2022, 10:16
-
Një rrugë në Tiranë merr emrin e publicistit dhe gazetarit Fatos Baxhaku, Veliaj: Nderojmë gjeneratën e më të mirëve të gazetarisë shqiptare, jo gjobaxhinjtë
7 Korrik 2022, 08:50 -
Gazetarja e Report Tv Anila Prifti nderohet me çmimin e parë për gazetari cilësore ‘Fatos Baxhaku’: Gazetaria është gjymtuar, por unë mbijetova
1 Prill 2022, 13:09 -
Çmimet e Panairit të Librit, “Autori i vitit 2020” Fatos Baxhaku pas vdekjes
15 Nëntor 2020, 15:02
-
Përfundon Festivali Ballkanik i Filmit në Pogradec, Fatos Baxhaku nderohet me titullin “Mirënjohja e qytetit” (VIDEO)
18 Shtator 2020, 17:54
-
Një copëz e munguar historie, amaneti i përmbushur i Fatos Baxhakut, në një libër!
17 Gusht 2020, 16:05
-
Nga fëmijëria, shoqëria, kolegët dhe udhëtimet, jeta në 41 foto të panjohura e Tos Baxhakut
16 Shkurt 2020, 12:57
Nje ikje e papritur dhe e paimagjinushme te le pa fjale dhe me nje dhimbje te thelle.Por i thone nje fjale qe njerezit e mire ikin shpejte nga kjo toke. Ngushellimet me te perzemerta familjareve. U paste lene uraten. Shpirti u prehte ne paqe.
PërgjigjuS'e kam takuar kurrë, por më mjaftonin dokumentarët dhe shkrimet e tij për të kuptuar se gazetari dhe njeriu i mirë Fatos Baxhaku ishte një vlerë e shtuar në jetën publike. Zor të kemi të dytë si ai. Për dreq këtij vendi po i ikin përditë njerëz si Fatosi. I qoftë dhéu i lehtë!
PërgjigjuKa drejtuar "Gazeta Shqiptare" perpara Klan. Mori nga rruga (me e pa shkolle) e beri njerez shume prej atyre qe po i therrasin profesor sot. Pa iu degjuar nje here nje fjale. Pa i bertit e ulerit njeriu per vite e vite me rradhe.
PërgjigjuVdiq i ri ,nje nga penat me te spikatura te pas diktatures. Baxhaku ishte gazetari qe dallnte me shumicen e gazetareve ,per aresyen e thjeshte se perfaqesonte median e lire ,te pvarur dhe shume te mire analizuar ne mbeshtetje te problemeve te vendit . Te qofte dheu i lehte, njeri i mire
PërgjigjuNgushellime familjes! Gazetari i vetem shqiptar i cili ka vizituar dhe ka bere emisione apo kronika po thuaj ne cdo fshat te Shqiperise .Modeli i thjeshtesise.., me vjen keq qe kronikat e tije nuk gjenden ne internet sepse ateher nuk ishin digital, per respekt te punes se tije dikush ato mund ti hedh ne yotub.
PërgjigjuTrishtim,kjo ikje e pakohe e profesionistit te mirfillte ne gazetari iFatos Baxhaku.Fatkeqesi qe u shua nje mendje e bukur. I qofte i lehte dheu meme.
PërgjigjuNjeri i dashur, gazetar profesionist, sa modest, edhe bujar. I paharrushem.
PërgjigjuU prehte ne paqe... gazetar universal dhe i pa tjetersueshem mbi gazetarucert
PërgjigjuHumbje e made per Gazetarine Shqiptare! Mjeshter i Penes, analist i paanshem, profesionist par exelence, profesor i dashur....Lamtumire Fatos Baxhaku!