Vuçiç i kënaqur me marrëveshjen: E konsideroj sukses të madh të Serbisë

Presidenti i Serbisë, Aleksandër Vuçiç ka folur pas arritjes së marrëveshjes në Bruksel lidhur me situatën e krijuar në pikëkalimet kufitare Kosovë-Serbi në Jarinjë dhe Bërnjak. Vuçiç konfirmoi se pala serbe në Bruksel pranoi, siç njoftoi BE, një propozim kompromisi për de-eskalimin e situatës në veri të Kosovës.

“Unë mendoj se kemi arritur një lloj zgjidhjeje kompromisi, me të cilën jam i kënaqur dhe mendoj se është e rëndësishme për palën tonë. Tërheqja e ROSU-së është parashikuar dhe është një tregues se në të ardhmen veprime të tilla të shqiptarëve do të hasin në rezistencë nga popullata serbe. Kthimi i KFOR-it në përputhje me Rezolutën 1244 është i rëndësishëm dhe tregon se është e mundur të sigurohen garanci sigurie për serbët””, tha Vuçiç.

LEXO EDHE:
Procesi/ Presidenti dhe kriminel i dënuar, vendimi historik ndaj Trump për rastin e yllit porno

Duke theksuar heqjen e forcave speciale të Policisë së Kosovës nga veriu, Vuçiç tha se e cilëson sukses të madh marrëveshjen e arritur sot.

“Unë e konsideroj këtë një sukses të madh të palës sonë”, tha presidenti serb.

Sipas tij, pika për vendosjen e afisheve në targat e veturave të njëra-tjetrës ishte propozim i Serbisë, ndërsa tha se qytetarët e të dy anëve nuk do të kenë nevojë të paguajnë.

“Ne jemi ata që e propozuam vendosjen e afisheve për ta, ata nuk mund të vendosin targa të përkohshme, por do të vendosin një afishe në stemën serbe dhe kjo nuk ka kosto”, tha Vuçiç.

Ai tha se Serbia do të përballet me një periudhë të vështirë bisedimesh.

Lajmi kryesor:

Arrihet marrëveshja Kosovë-Serbi për targat, më 2 tetor largohen barrikadat e forcat speciale! Në Jarinjë dhe Bërnjak shkon KFOR-i! Kurti: Filloi epoka kur Serbia mësohet me reciprocitet

/Shqiptarja.com

TAG:
• kosova
• kosova
• kosova
• kosova
• nato
• SHBA
• Albin Kurti
• olta xhaçka
• aleksander vucic
• serbi
• kosove-serbi
• Ursula von der Leyen
• Nicholas Giacobbe