POP 5

Lajmet më të lexuara të 5 minutave të fundit

Kosova & Rajoni

Djali i tij u ndalua nga policia e Kosovës për festën e ‘Vidovdanit’, Vuçiç: I drejtuan armën, kur e pyetën për emrin e babait u është përgjigjur ‘presidenti juaj’

Presidenti i Serbisë, Aleksandër Vuçiç ka reaguar sërish për ngjarjen e ndodhur ditën e djeshme në Kosovë ku policia ndaloi djalin e tij Danilo Vuçiç dhe i hoqi bluzën me mbishkrimin provokues ‘Dorëzimi nuk është opsion’.

Djali i tij u ndalua nga policia e Kosovës për festën e ‘Vidovdanit’, Vuçiç: I drejtuan armën, kur e pyetën për emrin e babait u është përgjigjur ‘presidenti juaj’

Vuçiç dhe djali i tij

Presidenti i Serbisë, Aleksandër Vuçiç ka reaguar sërish për ngjarjen e ndodhur ditën e djeshme në Kosovë ku policia ndaloi djalin e tij Danilo Vuçiç dhe i hoqi bluzën me mbishkrimin provokues ‘Dorëzimi nuk është opsion’. Në një postim të bërë në rrjetin social instagram, Vuçiç pretendon se policët i kanë drejtuar armën djalit të tij dhe në momentin kur e kanë pyetur për emrin e babait, ai u është përgjigjur duke u thënë ‘presidenti juaj’.

Sipas Vuçiçit policët i kanë drejtuar armën djalit të tij vetëm se ky i fundit nuk kishte pranuar të hiqte bluzën me mbishkrimin provokues.

“Vetëm tani kuptova se çfarë po ndodhte në Kosovë. Herën e fundit që ndaluan Danilon, jo shumë larg Podujevës, policia shqiptare kërkoi që ai të hiqte me çdo kusht bluzën ku shkruhej “Dorëzimi nuk është opsion”. Danilo nuk u pajtua dhe më pas i drejtuan armët dhe e pyetën "Emri i babait?" Ai u përgjigj: "Aleksandër! Ky është babai im dhe presidenti juaj"! Këmishën nuk i ishte hequr, fytyra nuk ishte e njollosur. Dorëzimi nuk është një opsion!”- shkruan Vuçiç.

Në kundërpërgjigjie, ministri i Brendshëm i Kosovës, Xhelal Zveçla, e quajti presidentin serb një kundërshtar kronik duke thënë se nuk kishte ndodhur asgjë e tillë që ai pretendon. Zveçla tha se policia e Kosovës thjesht i ka marrë bluzën me mbishkrimin provokues që mbante veshur në festën e Vidovdanit që u mbajt në Graçanicë (zonë në jug të Prishtinës). 

Rendit zhvillimet sipas orarit:
Ora 13:03
Sveçla për djalin e Vuçiç: Policia e Kosovës i mori vetëm bluzën, presidenti serb qenka genjështar kronik

Ministri i Brendshëm, Xhelal Sveçla, ka komentuar zhvillimet e djeshme për Vidovdan ku mori pjesë edhe djali i presidentit të Serbisë.

Sveçla tha se ai ka hyrë në Kosovë si qytetar i rëndomtë, por që më pas ka shfaqur parulla provokative. Ministri deklaroi se atij i është marrë bluza, përderisa presidentin e Serbisë e quajti gënjeshtar kronik.

“Për djalin e Vuçiçit, ai në Kosovë ka hyrë si qytetar i rëndomtë. Edhe sipas marrëveshjes së Brukselit dhe praktikave deri tash për hyrjen e qytetarëve të rëndomtë nuk ka procedura të veçanta. Ai u shfaq në Graçanicë me atë bluzë, dhe policia ka marrë vendim që ta ndalin dhe kontrollojnë vetura që janë sjellur në mënyrë të çuditshme. Atij i është kërkuar, që është realizuar, heqja e bluzës me mesazh provokativ. Ata janë larguar për Serbi. Ne e dijmë që Vuçiç ka qenë ministër i propagandës në qeverinë e Millosheviqit, por që është gënjeshtar kronik po na e dëshmon çdo ditë. Djali i tij nuk është ndalur tri herë, por vetëm një herë.”- tha Sveçla.

G.MO/Shqiptarja.com

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Fshati: 30/06/2023 11:18

    Paksa e çuditshme, nuk kishte truproje me vete djali i Vuçiçit? apo vetem me tregu ca perralla ne gazeta se keshtu duan Kosovaret.

    Përgjigju
  • Lexues: 29/06/2023 15:55

    Si trofta e Umberto Bossit ngjaka. E meriton nje diplome Kristali.

    Përgjigju
  • AltinTop: 29/06/2023 13:47

    Nuk te ka votu kush per president ne Kosove mor koqe kandari.

    Përgjigju
  • Niku: 29/06/2023 13:20

    Të vërtetën ka thënë ! Thaçi ja ka bërë nënës e linde ti . Por duhet ta dish ai tani është ish president ????

    Përgjigju
  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?

Lajme të tjera



×

Lajmi i fundit

'Çadra 30 euro më privon të ha drekën', ekspertja: Duhet turizëm i qëndrueshëm që gjeneron të ardhura për komunitetin

'Çadra 30 euro më privon të ha drekën', ekspertja: Duhet turizëm i qëndrueshëm që gjeneron të ardhura për komunitetin

22 Korrik, 22:30