Vuçiç tregon se çfarë bisedoi me ambasadorët e QUINT-it: U kërkova të pengojnë Kurtin që të nisë një luftë në Ballkan

Presidenti i Serbisë, Aleksandër Vuçiç Përmes një postimi në profilin e tij në Instagram, shkruan se u ka kërkuar ambasadorëve QUINT-it të bëjnë “gjithçka që kanë në dorë për të penguar Kurtin të nis një luftë të re në Ballkan”.

Në këtë takim morën pjesë përfaqësuesit diplomatikë të ShBA-ve, Britanisë së Madhe, Francës, Italisë dhe Gjermanisë, si dhe shefi i delegacionit të BE-së në Serbi. Kujtojmë se dje presidenti serb ka thënë që nuk do të tregonte se çka kishte folur në këtë takim.

“Kam folur me përfaqësues të BE-së dhe të Quintës. U kërkova që të bëjnë gjithçka në fuqinë e tyre për të penguar Kurtin të nisë një luftë tjetër në Ballkan.  Presidenti i Republikës së Serbisë, Aleksandar Vuçiq, u takua me përfaqësuesit e shteteve të Kuintit - Shteteve të Bashkuara të Amerikës, Britanisë së Madhe, Francës, Italisë dhe Gjermanisë, si dhe me shefin e delegacionit të Bashkimit Evropian në Serbi”, shkruan Vuçiç.

LEXO EDHE:
Serbët bojkotojnë zgjedhjet, shqiptarët mbeten në krye të komunave në veri të Kosovës! Osmani: Vuçiç shkeli fjalën që u dha ndërkombëtarëve

Ky reagim i Vuçiçi, vjen një ditë pasi tre efektivë të Kosovës u rrëmbyen nga forcat serbe në veri. Kosova ka bërë thirrje për t’i liruar menjëherë, por sipas Serbisë ata janë arrestuar pasi janë gjetur duke patrulluar 1.8 km larg kufirit me veriun.

SI.E./Shqiptarja.com

TAG:
• tensione ne veri te kosoves
• rrembehen policet ne kosove