POP 5

Lajmet më të lexuara të 5 minutave të fundit

Politikë

Xhafaj: Qeveria të bëjë transparencë dhe strategji! Të ndëshkohen ata që bënë pazar klikimesh me tërmetin

Fatmir Xhafaj kërkoi që qeveria të bëjë transparencë lidhur me dëmet që janë shkaktuar, ndërsa kërkoi edhe hartimin e një strategjie për zonat që janë më problematike.

Ish-ministri i Brendshëm dhe deputet i PS-së, Fatmir Xhafaj kërkoi që qeveria të bëjë transparencë lidhur me dëmet që janë shkaktuar, ndërsa kërkoi edhe hartimin e një strategjie për zonat që janë më problematike. Ai foli edhe për panikun që krijoi fake news-i i portalit Syri.net duke kërkuar ndëshkim. 

"Po ndjek me interes masat e marra nga qeveria pas tërmetit. E vlerësoj të domosdoshme një transparencë më të mirë pasojat e tërmetit, si një përgjegjësi ndaj qytetarëve dhe pasqyra serioze përballë mundësisë së abuzimit. Jemi në kohë ta bëjmë nëse duam të jemi seriozë me njerëzit.

Gjatë kësaj jave pamë të shfaqej edhe marrëzia e zakonshme politike për të bërë politikë me tërmetin dhe ca më keq akoma çmenduria e një pjese të vogël të medias për ti shërbyer padronit politik apo edhe për të bërë pazar klikimesh në tregun mediatik. Ka ardhur koha që përmes fuqisë së ligjit akte të tilla të ndëshkohen. Kjo është përgjegjësi ndaj njerëzve, por edhe një mësim i mirë për përgjegjësinë ndaj të vërtetës, si detyrim me interes publik.

Tërmetin nuk mund ta parashikojmë por dëmet mund ti parandalojmë, qeveria duhet të përgatisë një strategji të qartë reflektimi me një plan serioz reflektimi. Duhet dokumentim shkencor i vendit, harta sizmike, zonat problematike. E kemi të domosdoshme ngritjen e institucioneve shkencore, kontrollin e ndërtimeve, lejet e paligjshme. Tërmeti na paralajmëroi ne duhet të veprojmë se nesër mund të jetë shumë vonë" tha Xhafaj.

Në datën 22 shtator, fill një ditë pas tërmetit të fuqishëm 5.8 ballë që tronditi vendin, portali Syri.Net publikoi lajmin e së orën 23:30 do të binte një tjetër tërmet i fuqishëm duke i paralajmëruar qytetarët të dilnin nga shtëpia.

Kjo gjë solli panik në Tiranë dhe Durrës, ku të gjithë qytetarët dolën në rrugë të frikësuar. Publikimi i këtij lajmi, që shfrytëzoi gjendjen e qytetarëve, u dënua nga qeveria, ku u shoqëruan në polici disa gazetarë të Syri.Net dhe gazetarja Daniela Grica e "Shekullit".


Lajmi kryesor:

Kuvendi flet për hallet e popullit! Hajdari-Gjoni: Rama-Basha flirt, por ne do fundosim pazarin e 2008 (VIDEO)
  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

NBA/ Cleveland dhe Oklahoma ende të pamposhtura, Boston dhe Lakers rikthehen te fitorja

NBA/ Cleveland dhe Oklahoma ende të pamposhtura, Boston dhe Lakers rikthehen te fitorja

2 Nëntor, 13:21