Prej ditësh tashmë i gjithë arsenali i opozitës, me deputetë e magjistratë, gazetarë e avokatë, analistë e panelistë, së bashku me Sali Berishën në krye, janë vënë në mbrojtje të Ervin Saljanjit. Deputetit të PD-së, i cili dy vite më parë, është dënuar nga një gjykatë shqiptare(çudi si s’e ka kapur ligji i dekriminalizimit) si fajtor për një inskenim me rëndësi të madhe dhe që ka sjellë pasoja të rënda ligjore.
Kanë kaluar katër vjet nga nisja e kësaj historie, ndaj ja vlen për të sjellë sot thelbin e asaj ngjarjeje që sot ka “bashkuar” Partinë Demokratike vetëm për një ditë, e që në fakt përbën një bashkim për të ndihmuar Ervinin, shokun e tyre. Katër vjet më parë, Partia Demokratike publikoi një përgjim telefonik, sipas të cilës njerëzit që po flisnin ishin një trafikant i njohur me nofkën “Babalja” i cili emrin e ka Albert Veliu dhe vëllai i ministrit të Brendshëm të kohës Fatmir Xhafa. Në audiopërgjim flitej për përgjim.
PD e hodhi atë “audiopërgjim” në tregun e egër mediatik në vend ku shpërthyen portalet dhe emisionet e darkës. Flitej për “dëshmitarin X” ku përmendej Babalja, që sipas gazetarëve VIP që burimet i “kishin të sigurta” ishte një informator i SHISH. Në fund, pas hetimeve nga prokuroria, Babalja rezultoi që nuk ka folur me vëllain e Fatmir Xhafajt, po me Fred Alizotin-kunatin e tij, i cili u bë bashkëpunëtor i drejtësisë për të treguar ngjarjen. Alizoti, rrëfeu se e gjithë ky makinacion dhe montazh mediatik ishte organizuar e mbështetur nga Ervin Saljanji. Të cilin gjykata e dënoi.
Sot pas katër vjetësh, Babalja ka marrë strehim politik, e ku jeton në Belgjikë me familjen, Fredi Alizoti ka marrë statusin e dëshmitarit të mbrojtjes, Ervin Saljani vazhdon të jetë deputet, e Fatmir Xhafaj u largua nga posti i ministrit të Brendshëm, e është deputet i Partisë Socialiste.
Në thelb çështja ka mbetur në vend, por reflektimi katër vjet më pas duhej të ishte i ndryshëm. Pasi e gjithë kjo histori sado që të mbulohet me retorikë është një nga ngjarjet më pa lavdi të betejës opozitare në vend.
Megjithatë, në kulmin e vapës kur temperaturat kanë shkuar mbi 40 gradë celcius, pra në afshin afrikan, radhët janë ngjitur. Fatos Lubonja, ka thirrur për rrezikun që i kanoset Shqipërisë dhe drejtësisë me dënimin e Saljanjit. Sali Berisha ka kërcënuar gjyqtarët me emër e mbiemër, ç’ka në gjuhën berishjane përbën ultimatum. PD e Alibeajt ka bërë thuajse të njëjtën gjë, duke çuar deputetët në seancën e Apelit.
Gjyqtarët, në mënyrë elegante kanë shtyrë seancën, çka është një sinjal shpresëdhënës se ata nuk do të marrin vendim në presion.
Tani për ta qartësuar situatën: Duhet të shpëtojmë ushtarin Ervin? Kjo edhe mund të bëhet, nëse mbështetësit e tij dhe ky i fundit bëjnë të ditur se e ka hartuar gjithë këtë mesele ma dashje, është penduar, e nuk do ta përsërisë më. Me këtë mënyrë, trupi gjyqësor, mund të marrë vendim se ndoshta Saljjanji nuk ka qenë në kushtet e duhura psiqike për të vendosur. Pasi edhe katër vjet më parë, thuajse temperaturat kanë arritur në verë këtë nivel, edhe pse videopërgjimi është kryer në vjeshtën e vonë.
Po për të nxjerrë përfundimin se po ishte një montim i inspekuar, por e gjitha u bë për të rrëzuar qeverinë e shkarkuar Fatmir Xhafën, duhet marrë një vendim për të ndëshkuar montimin. Opozita mund të bëjë një mocion për të shfajësuar Saljanjin, pasi mund të rendisë rrethana lehtësuese politike e psikologjike, por këtë duhet ta bëjë me kujdes. Pasi ka një ves të vjetër, ku kundërshtarët sulmohen si “të sëmurë mendorë”. E nëse vërtetë Rama me shokë janë të sëmurë mendorë, opozitarët duhet të sillen me kujdes ndaj tyre, ndryshe i diskriminojnë, e ky është realisht një shkelje e Kodit Penal. Si puna e Babales. E në fakt ka një “dritare” që mund të shfajësohet Saljanji, nëse i bashkohet edhe diskursit për të cilin Babalja mori azilin politik. Të thojë se “ishte shumë vapë atëherë, edhe pse në vjeshtë, e gjërat morën rrjedhë të ndryshme. Unë shkoj në televizione te zonja Eni e i thoja që është montazh, por ajo më kthehej: kjo është perlë do na mbysë audiencën. Do e bëjmë telenovelë. Njëjtë Fevziu dhe të tjerët. Nuk e kisha fajin unë, por vapa dhe panelistët”. Atëherë ndoshta realisht bëhet diçka…
Lajme të tjera
-
Basha për takimin dhe antimitingun në Londër: Turp e faqja e zezë për Ramën dhe Berishën! Ata i duan shqiptarët mish për top, pazare dhe për pushtetin e tyre
24 Nëntor, 18:20 -
Militantë të Berishës protestojnë kundër Ramës në Londër (VIDEO)
24 Nëntor, 12:59 -
Gjikondi: Ja taktika e çiftit Meta-Kryemadhi për të shpëtuar pronat e vendosura në mënyrë të paligjshme! Ja pse administrata Trump nuk do t’i heqë ‘non-gratën’ Berishës
24 Nëntor, 12:13 -
Berisha: Rama mizogen, e tregon edhe në kabinet me gratë
24 Nëntor, 11:00 -
Kreshnik Spahiu: Pse Strasburgu po e zhgënjen shumë keq Partinë Demokratike?
23 Nëntor, 23:55
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Zgjedhjet 2025/ Bardhi: Betejë për jetë a vdekje! Në Kuvend, gratë deputete shpesh herë më shumë luftarake se burrat
23 Nëntor, 14:08
