Çdo njeri normal, aq më shumë zyrtar apo politikan i rëndësishëm kur ka një akuzë zyrtare nga prokuroria, që në rastin aktual të ligjit shqiptar e konfirmon gjykata, ose luan me procedurat, ose mezi pret përballjen në gjykatë. Për të sfiduar akuzën ndaj tij.
Në logjikën proceduruale shqiptare, zyrtarë apo politikanë luajnë me atë që quhet gjykim i shkurtuar, ku automatikisht kërkohet që të përfitohet nga procedurat, ose përballja ballazi në gjykatë me argumentet e prokurorisë.
Rasti i Sali Berishës që u pa sot në Këshillin e Mandateve, solli qartë faktin se avokatët e Sali Berishës, tentuan të bëjnë në Kuvend një proces gjyqësor për rastin e privatizimit të klubit Partizani. Rast që është gjykuar të paktën nga dy shkallët të gjyqësorit. Natyrisht është gjykuar jo në thelb, por për statusin e një të pandehuri: Sali Berishës. i cili në të gjithë procedurën e deritanishme nuk i është përgjigjur gjykatës dhe ka shkelur në mënyrë të qartë vendimet e gjyqësorit.
Nga dillimi i procedimit penal të Sali Berishës, bëhet fjalë për rastin e klubit Partizani, edhe pse dokori thotë është një akuzë politike, nuk denjon të përballet.
Politikisht e dimë qëndrimin e tij se nuk pranon asnjë frazë të akuzës, madje ka 1 mijë të kundërta që e kundërshtojnë. Këtë e kuptojnë të gjithë njerëzit. Madje e kanë parashikuar. Sot është dita, që Sali Berisha, si çdo qytetar normal i kësaj Republike, duhet të përballet me Gjykatën. Ta bëjë vetë, e në ndryshim nga miliona njerëz ka mundësi të paguaj avokatë sat ë duash, por edhe asistentë të tyre.
Ky është një rast, kur një politikan i cili e ndjen veten në aggression, apo mendon se ja kanë punuar pa të drejtë, mund të rilindë. Duke ç’montuar akuzën ndaj tij, e me fakte në process, në gjykatë të rrëzojë të gjithë piramidën prokuroriale.
Por Sali Berisha dhe mbrojtja e tij, të paktën deri më sot kanë dështuar ta bëjnë këtë. E kjo u pa edhe sot. Kur dy avokatët e tij, tentuan të bëjnë një process në themel në Këshillin e Mandateve dhe Rregullores. Kur në fakt sot mund të ishin përballur vetëm për faktin se kundërshtojnë arrestin e klientit të tyre. Dy prokurorët e SPAK, ishin stoikë, nuk u hallakatën por siç pritej u mbështetën në argumentin që dihej.
Sali Berisha po kërkohet që të ashpërsohet masa ndaj tij, sepse nuk ka respektuar dy vendime gjykate që e kanë vendsur atë në detyrim paraqitje dhe ndalim dalje jashtë vendit, me klauzolën që duhet të paraqitet pranë SPAK 3 herë në muaj.
Sali Berisha e ka shkelur vendimin e gjykatës, e ndaj SPAK ndërmorri një masë më të ashpër. Kaq është logjika e masës së sigurisë. Ndërkaq, lënda, afera e klubit Partizani, mund të konsumohet, diskutohet dhe mbrohet në proces, para trupit gjykues, ku Berisha është i PANDEHUR.
Nuk ka rrugë tjetër, në rastin e një akuze zyrtarist të ngritur veçse në gjykatë. Këtë e kanë bërë edhe të tjerë në këtë drejtësi të re. Ministra e zyrtarë të lartë.
Në kohën kur ishte Kryeministër Sali Berisha, ka pasur shumë raste ku zyrtarët e lartë nuk shkonin në proces. Pasi këtë e ndalonte Gjykata e Lartë, si në rastin e Ilir Metës, Fatmir Mediut, apo Lulzim Bashës. Skandali i madh është që Gjykata më e lartë e vendit të merret me anët proceduriale sesi të shmangë nga gjykimi njerëzit që në gjykim duhet të jenë.
Ishte ky fenomen ulëritës që nuk ndodh në asnjë vend, madje as në diktaturën komuniste, ku Gjykata e Lartë ngrihet dhe ndërtohet ë atë mënyrë vetëm që të ndalojë VIP-at që prokuroria mund t’i hetojë. Kjo është realisht pandëshkueshmëria, e ky është realisht shkaku pse të gjithë anëtarët e asaj Gjykate të Lartë famëkeqe, edhe pse ka pasur jurist jo të këqij sot janë të harruar. Kanë bërë atë që një trupë e lartë do të turpërohej gjithë jetën.
Sot jemi në një kohë të re, ku nuk ka një trupë që bllokon akuzat ndaj politikanëve. Përkundrazi, ka një trupë prokurorësh si SPAK dhe gjyqtarësh si GJKO dhe apelit të GJKKO që vepron vetëm për zyrtarët e lartë.
Ndaj dhe Sali Berisha nuk e donte reformën në drejtësi, se ai nuk e do procesin, sepse një proces flet për ngjarje, akte, dëshmi, dhe i gjithë ky process gjykohet live në publik. Një njeri i pastër do ta ëndërronte këtë process, ku ai do të kishtë mundësinë që të tregonte pafajësinë e tij. Sali Berisha nuk e do procesin gjyqësor. Por jo vetëm ai. Para tij ka pasur një aradhë zyrtarësh që kanë preferuar “gjykimin e shkurtuar”. Një turp juridik që e përdorin vetëm vrasësit serial. Tema
Komente
Lajme të tjera
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
-
'Studio Live'/ Vendimi i GJK për Berishën, Haklaj: E quajti arrestimin të ligjshëm, unanim 8-0! Meta humbi burrërinë, kërkoi pasaportën! Faik Basha: Është më i frymëzuar se kurrë
22 Nëntor, 18:01 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35 -
Pse priti deri në fund Berisha, çfarë shpresonte?
22 Nëntor, 13:08
Trashesia ka shume forma por ne rasti n me laet te le pa mend. Nuk ka akuze ende ne ngarkim te Berishes, nuk eshte i pandehur. Por ne hetim.
Përgjigju