POP 5

Lajmet më të lexuara të 5 minutave të fundit

Opinion

Zaloshnja: Vetëm 27% e vlerës së PBB-së u fut vjet në Thesarin e Shtetit shqiptar; 38% në atë malazez

Sipas vlerësimit të FMN, Prodhimi i Brendshëm Bruto (PBB) kapi vjet pothuaj vlerën 23 miliardë euro në Shqipëri (me kursin e sotëm të këmbimit të euros). Ndërkohë, të ardhurat e brendshme të arkëtuara në Thesarin e Shtetit kapën vlerën 6.21 miliardë euro (grantet falas nga jashtë prej 222 milionë eurosh nuk i kam përfshirë në këtë shumë). Pra, vetëm 27% e vlerës së PBB-së u fut në Thesarin e Shtetit

Zaloshnja: Vetëm 27% e vlerës së PBB-së u fut vjet në Thesarin e Shtetit shqiptar; 38% në atë malazez

Sipas vlerësimit të FMN, Prodhimi i Brendshëm Bruto (PBB) kapi vjet pothuaj vlerën 23 miliardë euro në Shqipëri (me kursin e sotëm të këmbimit të euros). Ndërkohë, të ardhurat e brendshme të arkëtuara në Thesarin e Shtetit kapën vlerën 6.21 miliardë euro (grantet falas nga jashtë prej 222 milionë eurosh nuk i kam përfshirë në këtë shumë). Pra, vetëm 27% e vlerës së PBB-së u fut në Thesarin e Shtetit.

Duke përdorur një shembull të thjeshtuar, ekonomia e Shqipërisë mund të imagjinohet si një pemë që ka prodhuar 100 kokrra, 27 nga të cilat i ka vjelë shteti, e 73 të tjerat i kanë vjelë biznesmenët, të punësuarit dhe të vetëpunësuarit (si edhe zyrtarët e korruptuar të doganave e tatimeve).

Po si krahasohemi ne me fqinjin verior, Malin e Zi? E zgjodha Malin e Zi për krahasim, sepse ka gjeografi, histori, kulturë, ekonomi, e për më tepër, nivel taksimi shumë të përafërt me tonin (madje edhe PBB-në për frymë e kemi të përafërt).

Vjet në Thesarin e Shtetit të fqinjit verior u fut plot 38% e vlerës së PBB-së. Pra, duke vazhduar me shembullin e thjeshtë të mësipërm, nga 100 kokrra që ka prodhuar pema ekonomike malazeze (kuptohet janë kokrra më të vogla, sepse ekonomia malazeze është më e vogël se e jona), rezulton se shteti ka vjelë 38 kokrra atje, e 62 të tjerat i kanë vjelë biznesmenët, të punësuarit dhe të vetëpunësuarit (si edhe zyrtarët e korruptuar të tatimeve e doganave).

Ky hendek në vjeljen e të ardhurave ka qenë edhe më i madh para një dekade: 39.5% vs. 24.1% ishin përqindjet më 2013 (shihni grafikun më poshtë). Por, sidoqoftë hendeku vazhdon të mbetet një shqetësim që duhet adresuar në Strategjinë Afatmesme të të Ardhurave, e cila po hartohet nga Ministria e Financave me ndihmën e FMN-së.

SHËNIM: Të dyja shtetet nuk shquhen për përdorim efikas e të pakorruptuar të të ardhurave që vjelin nga pemët përkatëse ekonomike. Në Shqipëri, raportet e përvitshme të KLSH-së dhe hetimet e derisotme të SPAK-ut e ilustrojnë këtë dukuri. Në Malin e Zi, rrugë të papërfunduara mes malesh dhe raporte investigative mbi korrupsionin ilustrojnë të njëjtën dukuri.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ardit: 10/05/2024 10:47

    Ide per te rrit taksat sikur mos mjaftonin niveli i taksave qe eshte dhe varferia ne ekstrem.

    Përgjigju
  • Korabi: 08/05/2024 14:29

    Mali i Zi i njohur prej dekadash si nr.1 per krim e korrupsion arketon me shume sesa Shqiperia. Pra ne qenkemi ne vend te pare tashme. Meqe mmiliardat e eurove firojne neper xhepa sipas deklarates se kryepykes hakdut, Rama eshte tradhetor. Bravo autorit per gjetjen e madhe.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Si është gjendja e Metës? Faik Basha: Po drejton aksionin opozitar nga burgu! Së shpejti do lirohet, në 2025 kandidat për kryeministër

Si është gjendja e Metës? Faik Basha: Po drejton aksionin opozitar nga burgu! Së shpejti do lirohet, në 2025 kandidat për kryeministër

25 Dhjetor, 18:05