POP 5

Lajmet më të lexuara të 5 minutave të fundit

Kronikë

Zbardhen shifrat: Në vitin 2014
8509 gjyqe për largime nga puna

Të larguarit nga puna duket se i kanë hapur mjaft punë Gjykatës Administrative në vitin 2014. Nga të dhënat zyrtare rezulton se gjatë këtij viti janë marrë në shqyrtim plot 8509 çështje me objekt marrëdhëniet e punës. 7226 prej tyre kanë marrë përgjigje që në vitin 2014, ndërsa 1283 janë shtyrë për vitin 2015.
Të larguarit nga puna duket se i kanë hapur mjaft punë Gjykatës Administrative në vitin 2014. Nga të dhënat zyrtare rezulton se gjatë këtij viti janë marrë në shqyrtim plot 8509 çështje me objekt marrëdhëniet e punës. 7226 prej tyre kanë marrë përgjigje që në vitin 2014, ndërsa 1283 janë shtyrë për vitin 2015.
 
Me fluksin më të madh të çështjeve është përballur Gjykata Administrative e Tiranës, e cila ka marrë në shqyrtim plot 3,549 çështje për marrëdhënie punë, ndërkohë 1591 çështje të tjera të kësaj natyre janë marrë në shqyrtim Gjykata e Shkallës së Parë, po e kryeqytetit. Numër të lartë çështjesh hasim dhe në Gjykatat Aministrative të Vlorës, Shkodrës e Gjirokastrës, të cilat kanë marrë në shqyrtim përkatësish 868, 675 dhe 390 çështje.
 
Ngarkesa e gjyqtarëve
 
Në një analizë për vitin 2014, Ministria e Drejtësisë pranon se volume të tilla çështjesh kanë krijuar flukse thuajse të papërballueshme çështjesh për gjyqtarët. “Duke iu referuar të dhënave statistikore konstatohet një volum shumë i lartë çështjesh të regjistruara në gjykatat administrative. Konkretisht, përgjatë vitit 2014 janë regjistruar 55479 çështje, nga të cilat 36558 çështje në Shkallë të Parë dhe 18921 çështje në Gjykatën e Apelit. Gjatë të njëjtës periudhë, janë dhënë 24211 vendime gjyqësore, nga të cilat 19600 vendime në Shkallë të Parë dhe 4611 vendime në Gjykatën e Apelit.
 
Këto të dhëna tregojnë se numri mesatar i çështjeve të regjistruara për 1 gjyqtar në Shkallë të Parë është 1261 çështje ose 1016 çështje, ndërsa në Gjykatën e Apelit është 2703 çështje. Po ashtu, numri i vendimeve të dhëna nga 1 gjyqtar në shkallën e parë është 676 vendime, ndërsa në Gjykatën e Apelit është 659.

Në raport me standardin e parashikuar në përcaktimin e numrit të gjyqtarëve prej 246 çështje, konstatohet se ka një rritje shumë të ndjeshme të ngarkesës në raportin 1:5 për gjyqtarin e Shkallës së Parë dhe 1:11 për gjyqtarin e Gjykatës së Apelit.

 largimet nga puna
 

Redaksia Online
(u.s/shqiptarja.com)
 

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Kush janë ministrat e qeverisë Kurti që u pasuruan më shumë për 4 vite

Kush janë ministrat e qeverisë Kurti që u pasuruan më shumë për 4 vite

28 Janar, 21:15