Zbardhet deklarata e pasurisë së Lulzim Berishës: Kam vetëm një lokal me qira, një BMW, 2 bote nafte dhe aksione në kompaninë e motrës

Zbulohet pasuria që Lulzim Berisha ka deklaruar në plotësimin e formularit që iu dorëzuar para 24 orëve nga forcat speciale të Operacionit 'Forca e Ligjit'. Në formular, Berisha deklaron se nuk ka asnjë pasuri të paluajtshme të regjistruar në emrin e tij, për shkak se ato i janë konfiskuar nga shteti me vendim gjykate në 2010, por deklaron se zotëron një bar kafe me qira, autobote që furnizon me karburantë anijet e portit, një makinë dhe aksione në kompaninë që ka në bashkëpronësi me motrën e tij.

Në formular, Berisha deklaron se zotëron:

-Një bar kafe, të cilin e ka me qira që prej 5 janarit 2018

-Dy autoboteve që furnizon me karburant anijet në port

-Një makinë tip BMW të blerë 1 milion lekë të reja në 2019

-40 % të aksioneve në kompaninë REJAN, të cilën e ka në bashkëpronësi me motrën e tij Luljeta Berisha dhe Enkejleda Shoshi, e cila merret me furnizimin me karburant të anijeve të peshkimit.

Në formularin e dorëzuar, Lulzim Berisha cilëson se këto pasuri i ka të ligjshme dhe me dokumentacion përkatës.

Lajmi kryesor:

'Një lokal me qira, një BMW, 2 bote nafte..." Lulzim Berisha deklaron pasurinë në OFL: 'S'kam prona në emrin tim'. Spak do t'i verifikojë

G.M./Shqiptarja.com

TAG:
• lulzim berisha
• anti kck
• ofl