POP 5

Lajmet më të lexuara të 5 minutave të fundit

Opinion

Z.Dioguardi, krimet në kampin e Tepelenës s’mund të fshihen!

Ish kongresmeni Dioguardi i ishte drejtuar organeve vendimmarrëse që të mos financonin ngritjen e muzeumit ne kujtim të viktimave të pafajshme që vdiqën dhe u trajtuan në mënyrën më mizore gjatë viteve 1949 -1954.
Z.Dioguardi, krimet në kampin e Tepelenës s’mund të fshihen!

Lek Mirakaj

Ditë më parë z.Asllan Bushati botoi një shkrim në lidhje me një sqarim që Ai dhe z.Zef Bala i kishin bërë ish-kongresmenit Dioguardi në lidhje me ish-kampin e Tepelenës. Z.Dioguardi i ishte drejtuar organeve vendimmarrëse që të mos financonin ngritjen e muzeumit ne kujtim të viktimave të pafajshme që vdiqën dhe u trajtuan në mënyrën më mizore gjatë viteve 1949 -1954.

Pas sqarimit që z.Bushati i kishte bërë Dioguardi mbi historinë e dhimbshme të kampit çfarosës të Tepelenës, z.Dioguardi kishte shprehur keqardhjen, duke u justifikuar se nuk i dinte të vërtetat. Cilido njeri i ndershëm në rast të një gabimi të tillë, më e pakta do të kërkonte falje publike dhe do i drejtohej atyre, të cilvë me nderhyrjen e tij të pa nevojeshme e të pa ndershme, I kishte keqinformuar t’i sqaronte mbi gabimin. Personalisht nuk kam asnjë dyshim se biseda që z. Bushati e përshkruan me hollësi në shkrimin e tij, është e saktë dhe korrekte. Por, e famshmja ‘por’, që gjithnjë fsheh diçka të pa thënë. 

Sot në kontradiktë me pohimet e z. Bushati, z.Dioguardi në mënyrën më skandaloze, më të paturpshme, ka pranuar të shesë, tek ata që janë të alarmuar se po dalin të vërtetat e turpshme të historisë së diktaturës, emrin e tij.  Me 15 Gusht 2018, z. Dioguardi, ky kampion i luftës kundër komunizmit, ky kampion i luftës për demaskimin e krimeve që kanë bërë të huajt kundër shqiptarëve, se grekët e serbët të huaj janë, u bë zëdhënësi i qarqeve më kriminale që përpiqen të fshehin të vërtetat e krimeve që kanë bërë shqipfolesit komunistë ndaj grave e fëmijve të pafajshëm të një gjaku e të një gjuhe.

Sot ky pseudo “shqiptar” i madh Xho Dioguardi ka lejuar, të përdoret emri i tij në një letër që i drejtohet kryetarit të bashkisë së Tepelenës, z.Peçi, ku i kërkohet që të anullojë vendimin e këshillit bashkiak për ngritjen e muzeumit të viktimave të kampit te shfarosjes, që  kriminelët komunistë patën instaluar, pa pyetur asnjë njeri në Tepelenë.  Autorët e vërtetë të letrës botuar në gazetën Dita, bashkëautor i të cilve është bërë “SHQIPTARI I MADH” Dioguardi spekullojnë paturpësisht duke u përpjekur të ngacmojnë ndjenjat njerëzore dhe patriotike të popullit tepelenas. 

Z.Dioguardi: nuk  e di pse ke lejuar të përdoret emri juaj në mënyrë kaq skandaloze e antinjerëzore, me siguri Ju do heshtni ose do bëni lojra fjalesh, se Aushvici është i pakrahasueshem e broçkulla të tjera.  Aushvici është simbol i krimit dhe si i tillë përdoret, ashtu si përdoren emrat e Hitlerit, Stalinit, Pol Potit e për ne shqiptarët emri i qoftë largut Enver, ashtu si themi kur duam të tregojmë ngjarje të përmasave të mëdha, përdorin si simbol, fjalën BIBLIKE. Per dijeni z.Dioguardi, megjithse z,Bushati Ju a ka sqaruar të vërtetat e kampit të shfarosjes të Tepelenës, Ju pëlqen apo nuk Ju pëlqen zotnisë tënde, po Ju këshilloj nëse keni pak “bonsens” thonë andej nga jeni zotrote, konsultoju me dokumentat e vetë regjimit, po të duash mund të ballafaqohesh edhe me të mbijetuarit e Aushvicit shqiptar e do mësosh të vërteta të tmerreshme dhe që nuk na nderojnë aspak si shqiptar.

Z.Dioguardi është e turpshme të spekullosh me ndjenjat e tepelenasve, nuk qenë tepelenasit që ndërtuan kampin shfarosës, ashtu si nuk jane matjanet përgjegjes për krimet e burgut të Burrelit, apo mirditorët për tmerret e Spaçit. Fajtoret jane: Enveri me shokë, fajtorë janë edhe ata që kanë shkruajtur atë letër të turpshme qe Ju e keni noterizuar. Historia është ajo që është, detyra jonë, e tepelenasve, e matjanve, është ti ruajmë këta simbole të së keqes, që brezat që do vijnë të jenë të përgatitur për të mos lejuar përsëritjen e krimeve. Z.Dioguardi! Nuk pritej nga Ju. Turp.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça