POP 5

Lajmet më të lexuara të 5 minutave të fundit

Politikë

Në mes të negociatave për bashkimin e PD, Berisha nuk humb kohë! Cakton afatin e fundit për primaret: Të përfundojnë brenda datës 4 dhjetor

Brenda datës 4 dhjetor… Ky është afati i fundit që ka përcaktuar Sali Berisha për përmbylljen e primareve. Të parat që do të mbajnë primaret, do të jenë Tirana, Elbasani dhe Durrësi ndërsa kandidatët kanë vetëm 2 javë kohë për të bërë fushatë.

Brenda datës 4 dhjetor… Ky është afati i fundit që ka përcaktuar Sali Berisha për përmbylljen e primareve, ku do të përzgjidhen kandidatët për kryetar bashkie, të cilët do të marrin pjesë në zgjedhjet vendore 2023. Afatin e bëri të ditur gjatë ditës së sotme në mbledhjen e Kryesisë, bëjnë me dije për gazetaren e Report Tv Danjela Maloku. Të parat që do të mbajnë primaret, do të jenë Tirana, Elbasani dhe Durrësi ndërsa kandidatët kanë vetëm 2 javë kohë për të bërë fushatë.

Deri më 6 nëntor do të kryhen negociatat me aleatët dhe evidentimin e kandidaturave. Nga data 6 nëntor deri më 13 Këshilli Kombëtar filtron kandidaturat dhe dalin emrat zyrtare.

Por më shumë sesa primaret, Berishën e shqetësojnë përgatitjet e Edi Ramës për zgjedhjet vendore, teksa ditën e sotme, gjatë mbledhjes së kryesisë tha se po përgatitet për kasaphanë zgjedhore. Paralel me primaret për zgjedhjen e kandidatëve, Berisha ka paralajmëruar se do të rikthehen protestat e fuqishme.

Ky vendim i sotëm i Berishës vjen në një kohë kur 2 grupet e PD kanë zhvilluar takimin e parë për bashkimin e demokratëve. Berisha ka theksuar se nuk bën kompromis për primaret ndërsa PD dhe Rithemelimi po zhvillojnë bisedime për bashkimin e demokratëve. Ish kryeministri zgjodhi të mos komentojë takimin e parë të negociatorëve Paloka-Bardhi për bashkimin e PD por duket se nuk ka humbur kohë për të caktuar afatin e fundit për përmbylljen e primareve.

Për herë të parë, sot dy palët në Partinë Demokratike u ulën për 90 minuta për të gjetur dakordësinë që në zgjedhjet vendore 2023 të dalin me një kandidat. Edi Paloka i grupit Berisha tha se ka vullnet për bashkim, ndërsa takim konstruktiv e quajti disa orë më vonë edhe negociatori i grupit Alibeaj, Gazment Bardhi. Por ai apelon që kampi tjetër të mos vijojë procese të njëashme për të zgjedhur kandidatin.

/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Kryeparlamentarja Spiropali dhe 20 homologe nënshkruajnë deklaratën e përbashkët 'Kthejini Zërin Grave Afgane': Nuk do i braktisim kurrë, mbrojtje nga regjimi Taleban!

Kryeparlamentarja Spiropali dhe 20 homologe nënshkruajnë deklaratën e përbashkët 'Kthejini Zërin Grave Afgane': Nuk do i braktisim kurrë, mbrojtje nga regjimi Taleban!

25 Nëntor, 18:45