Zgjedhjet e 25 prillit, KQZ kërkesë Drejtorisë së Gjendjes Civile për kohëzgjatjen e pasaportave dhe kartave të identitetit

TIRANË- Komisioneri Shtetëror i Zgjedhjeve, Ilirjan Celibashi i dërgoi një kërkesë drejtorisë së Gjendjes Civile për të marrë informacin mbi numrin e kartave të identitetit dhe pasaportave të cilave u ka skaduar afati.

Ilirjan Celibashi kërkon gjithashtu informim se sa mund të jetë numri i realizimit të kërkesave të zgjedhësve për rinovim të kartës ose pasaportës deri më 25 Prill 2021.

Sipas të dhënave të publikuara nga KQZ, janë mbi 800 mijë qytetarë të cilëve u ka skaduar karta e identitetit.

Kujtojmë se opozita e bashkuar ka kërkuar që vlefshmëria e mjeteve të skaduara identifikuese të jetë deri më 30 prill. Ndërkohë kryeministri Rama ditën e djeshme u shpreh se kjo kërkesë e opozitës bën sens dhe se do e shqyrtojë. 

Ministri i Brendshëm, Bledi Çuçi tha se po shikohet me vëmendje dhe se është në kontakt me kreun e KQZ-së. Po ashtu Çuçi garantoi se asnjë qytetar nuk do të mbetet pa votuar në zgjedhjet e 25 prillit.

Letra e KQZ-së
Lënda: Kërkohet informacion mbi numrin e kartave të identitetit dhe pasaportave të cilave u ka skaduar afati 
Drejtuar:  Drejtorisë së Përgjithshme të Gjendjes Civile
Adresa: Rr. Sermedin Said Toptani, Tiranë
I nderuar Z. Doracaj
Lutemi të na vini në dispozicion numrin e votueseve të cilëve u ka skaduar afati i shfrytëzimit të kartës së identitetit dhe pasaportës deri ditën të cilën do ti ktheni përgjigje kësaj kërkese. Gjithashtu nëse është e mundur të na informoni se sa mund të jetë numri i realizimit të kërkesave të zgjedhësve për rinovim të kartës së identitetit dhe/ose pasaportës deri në datën 25 Prill 2021.
Duke Ju falënderuar për bashkëpunimin, Komisioneri Shtetëror i Zgjedhjeve Ilirjan Celibashi

E.M./B.K./Shqiptarja.com
  • Sondazhi i ditës:

    Shifrat e të infektuarve dhe të vdekurve nga Covid-19 mbeten të larta! Çfarë masash duhen të marrin ekspertët?

Komento


×

Lajmi i fundit

John

Kur është koha e duhur për të pirë ujë me limon