Zgjedhjet në PD-në e Kukësit, tërhiqet njëri prej kandidatëve: Procesi i manipuluar, në listën e votuesve janë hequr dhe shtuar anëtarë

 

Një prej kandidatëve për kryetar të degës së Partisë Demokratike në degën e Kukësit, në procesin që po zhvillohet nga Komisioni i Rithemelimit, Irel Elezi, është tërhequr nga gara. Në një prononcim për mediat ai është shprehur se procesi është i manipuluar pasi janë manipuluar listat e anëtarësisë, që kanë të drejtë vote.

“Pas verifikimit që i kam bërë listës kam parë se në listën e zgjedhësve janë mbi 200 emra të rinj dhe shumë demokrat që kanë kontribut 30 vjeçar në PD nuk janë në listën e sjellë nga Tirana. Kam kërkuar sipas normave dhe statutit të partisë regjistrin e anëtarësimit të këtyre emrave të rinj, e kam kërkuar në fillim të procesit për të parë nëse është gjithçka  komform rregullave që parashikon statusi. Nuk më kanë vënë në dispozicion listën dhe kanë refuzuar sqarimet. Kërkesa ime është marrë parasysh. Pasi jam tërhequr nga gara emri im nuk duhet të figuroj më në listë. E konsideroj procesin të manipuluar ju bej thirrje të gjithë demokratëve se aty ku vëreni shkelje, paligjshmëri, reagoni dhe mos pranoni të votoni”, tha Elezi.

LEXO EDHE:
Dokumenti/ Vula i kaloi Berishës, Gjykata e Apelit zbardh vendimin! Argumentat: Autorizimi i Bashës nuk kishte më vlerë juridike pas dorëheqjes së tij

Lajmi kryesor:

'Rithemelimi' i Berishës nuk ndalet, zgjidhen në mënyrë të njëanshme kryetarët e 18 degëve të PD! Tërhiqet kandidati në Kukës: Procesi i manipuluar, listat e votuesve janë ndryshuar

K.T./Sh.Sh/Shqiptarja.com

TAG:
• komisioni i rithemelimit
• Lufta brenda PD