Rithemelimi nuk ka ndërmend të ndalë procesin e zgjedhjeve për krerët e degëve, ndonëse shumica e grupit parlamentar të PD-së mbështetën platformën e bashkimit të propozuar nga Enkelejd Alibeaj, ku nënvizohet që të ndalet çdo proces riorganizimi i njëanshëm. Rithemelimi ka zhvilluar zgjedhjet sot në 18 degë të PD-së, ku votimet nisën në orën 08:00 dhe përfunduan në orën 18:00.
Kandidati për kryetar i degës së Partisë Demokratike në Kukës, Irel Elezi u tërhoq nga gara, ndërsa në një prononcim për mediat ai është shprehur se procesi është i manipuluar pasi janë manipuluar listat e anëtarësisë, që kanë të drejtë vote. Në garë mbeti vetëm Admir Sinamati.
Emri i kandidatit fitues është shpallur në 14 degë, teksa ende nuk dihet emri i fituesit në degët Has, Tiranë njësia 9, Kamëz dhe Kavajë.
Ndërkohë, në Gjirokastër është shpallur fitues fitues Eris Shehaj. Në Përmet, kryetar i degës u shpall Arson Lipe, në Tepelenë u shpall fitues Malo Sadikaj, ndërsa në Patos është shpallur fitues Shezaim Ymaraj. Në Cërrik votat nxorën fituese Nadire Asllanin, fitues në degën 13 Tiranë u shpall Arsen Valis, në Memaliaj fitoi Bujar Kapllani, në Këlcyrë Arjan Kasa, në Pogradec Genti Cela, në Kukës Admir Sinamati, Në njësinë nr.3 në Tiranë Gezim Demushi, në Vlorë Atird Hoxha, në Delvinë Altin Kallapodhi dhe në Sarandë Manjola Nikollo.
Një ditë më parë Komisioni i Rithemelimit zhvilloi zgjedhjet në nëntë degë të Partisë Demokratike, konkretisht në Kuçovë, Skrapar, Elbasan, Tropojë dhe në 4 degë të Tiranës.
Dega Kandidatët për kryetar dege
Cërrik 1.Nadire Aqif Asllani (Fituese me 78% të votave)
2.Myrteza Ramiz Lici
Patos 1. Ardian Gjergji Rama
2. Shezaim Ramadan Ymeraj (Fitues)
Gjirokastër 1. Eris Shahin Shehaj (Fitues me 53% të votave)
2. Daniel Ilirjan Sino
Përmet 1. Arson Kleanthi Lipe (Fitues me 81 % të votave)
2. Kjara Banush Mamushi
Këlcyrë 1. Arjan Kasa (Fitues me 92% të votave)
2. Kleanthi Gjika
Memaliaj 1. Bujar Pasho Kapllani (Fitues me 87.7% të votave)
2. Erald Bashki Cela
Tepelenë 1. Malo Hydai Sadikaj (Fitues me 87% të votave)
2. Vullnet Malo Xhelili
Pogradec 1. Genti Shaqir Cela (Fitues)
2. Kasem Ramadan Galla
Kukës 1.Admir Behlul Sinamati (Fitues me 91% të votave)
2. Irel Isa Elezi (i dorëhequr)
Has 1. Demush Rexhep Kastrati
2. Elez Isuf Maci
Tirana 3 1. Gezim Hasan Demushi (Fitues me 81% të votave)
2. Klejti Arben Kalaja
Tirana 9 1. Eda Balil Grimçi
2. Hasan Adem Cani
Tirana 13 1. Arsen Kujtim Valisi (Me 61% të votave)
2. Engjellushe Osman Hoxha
3. Perikli Rasim Lleshi
Kamëz 1.Arjan Xhavit Hoxha
2.Artan Shaban Kukeli
3. Enver Xhelal Muca
4. Qemal Esat Çejku
Kavajë 1. Eris Petrit Xhihani
2.Hysen Qazim Kadiu
3. Rudin Durim Hylviu
Vlorë 1. Atird Nuri Hoxha (Fitues)
2. Edmond Caush Banushaj
3. Fatjon Besim Fejzaj
4. Lorenc Sazan Danaj
Delvinë 1. Altin Nikolla Kallapodhi (Fitues)
2. Hasan Qemal Alizoti
3. Nevila Myzafer Ziguri
Sarandë 1. Elvis Tahir Kuci
2. Manjola Kastriot Nikollo (Fituese me 73% të votave)
3. Rigels Bujar Dervishi
4. Robert Petrit Haxhi
Me një proces të njëanshëm, 'Rithemelimi' ka zhvilloi sot zgjedhjet për kryetar të 18 degëve të PD. Procesi i votimit ka përfunduar deri më tani në Gjirokastër, ku u shpall fitues Eris Shahin Shehaj me 53% të votave.
Në Përmet, kryetar i degës u shpall Arson Kleanthi Lipe me 81 % të votave, ndërsa në Tepelenë u shpall fitues Malo Hydai Sadikaj me 87% të votave.
Komisioni i Rithemelimit ka publikuar fituesit për zgjedhjet që u mbajtën ditën e djeshme në 9 degët e Partisë Demokratike.
Njoftimi i plotë:
Komisioni i Organizimit dhe Kontrollit të Operacioneve Elektorale të Partisë Demokratike njofton që ditën e shtunë, datë 16 prill 2022, u mbajtën zgjedhjet në 9 degë të PD.
Procesi u hap në orën 8.00 dhe u mbyll në pjesën më të madhe të degëve në orën 18.00. Për shkak të numrit të lartë të votuesve, në degët e Kuçovës, Tropojës dhe Tirana 11, procesi vijoi deri sa edhe anëtarit të fundit t’i jepej e drejta e votës.
Pas numërimit të fletëve të votimit, sipas procesverbaleve zyrtare të mbërritura nga Komisionet e votimit në degë, Kryetarë të degëve të PD u shpallën si më poshtë:
1. Dega 6 Tiranë:
Morën pjesë në garë dy kandidatë.
Fituese u shpall znj. Onelda Zefi me 79.7% të votave
2. Dega PD Skrapar:
Morën pjesë në garë dy kandidatë.
Fitues u shpall z. Hajredin Bakiasi me 69% të votave
3. Dega 16 Tiranë:
Morën pjesë në garë tre kandidatë.
Fitues u shpall z. Eduard Rexha me 69.7% të votave
4. Dega Paskuqan:
Morën pjesë në garë dy kandidatë.
Fitues u shpall z. Anton Pjetërnikaj me 86% të votave
5. Dega 10 Tiranë:
Morën pjesë në garë tre kandidatë.
Fitues u shpall z. Andi Beliu me 65% të votave
6. Dega PD Kucovë:
Morën pjesë në garë dy kandidatë.
Fitues u shpall z. Myslim Haxhi, me 57% të votave
7. Dega PD Elbasan:
Morën pjesë në garë pesë kandidatë.
Fitues u shpall z. Blendi Himci, me 66% të votave
8. Dega PD Tropojë:
Morën pjesë në garë tre kandidatë.
Fitues u shpall z. Besnik Dushaj, me 54% të votave
9. Dega PD Tirana 11:
Morën pjesë në garë katër kandidatë.
Fitues u shpall z. Shkëlqen Mustafa me 48% të votave.
Anëtari i Komisionit të Rithemelimit, Luan Baçi ka deklaruar se Enkelejd Alibeaj nuk ka mbledhur asnjë firmë të deputetëve për platformën e propozuar për bashkimin e demokratëve. Sipas tij, Alibeaj vetëm ka biseduar në parim me grupin parlamentar. Baçi sjell shembullin e deputetes, Ilda Dhori, ku thotë që Alibeaj ia ka lexuar emrin sikur ka firmosur platformën e bashkimit, por sipas tij nuk është e vërtetë.
Sipas Baçit, në platformë thuhet që të ndalet procesi i votimit, por sipas Baçit Dhori është organizatore e zgjedhjeve me Grupin e Rithemelimit. Baçi thotë se platforma e Alibeaj nuki shërben bashkimit, por përçrjes së demokratëve.
“Një platformë e Alibeajt jo e grupit të deputetëve. Nuk është asgjë e vërtetë. Alibeaj ka bërë biseda në parim me deputet duke mos u sqaruar pikat e plota të platformës. Një ditë më vonë unë kam qenë me deputeten Ilda Dhori në një proces takimi ku bëhemi gati për zgjedhjet kreut të degës. Emri i Ilda Dhorit është lexuar nga Aliabj si firmëtare, por nuk është e vërtetë se Dhoria tha që ‘nuk e kam firmosur pasi në parim jam dakordësuar për një platformë bashkimi, por jo për pikat që janë aty’. Një nga pikat aty është ndalimi i procesit zgjedhor në fakt Dhori është pjesë e procesit zgjedhor, organizatore e procesit zgjedhor në Divjakë. E solla si shembull për të parë falsitetin e Alibeajt apo deputetëve që merren me këto lloj platformash që nuk janë aspak bashkuese, përçarëse për bazën e PD dhe e sigurt që nuk do e realizojnë dot përçarjen. Po të shikojmë edhe sot më Patos ku duhet të kishte ndikim platforma Alibeajt e ka zero ndikimin e saj për arsye se anëtarët e janë këtu sot dhe votojnë për kreun e ri”, tha Baçi.
Dy ditë më parë kreu i grupit parlamentar të Partisë Demokratike, Enkelejd Alibeaj propozoi një platformë për bashkimin e demokratëve, ku një ndër pikat ishte anulimi i zgjedhjeve të njëanshme që po organizohen nga Komisioni i Rithemelimit për krerët degëve. Sipas Alibeajt, 31 deputetë e kanë firmosur platformën e propozuar nga ia për bashkimin e demokratëve.
Një prej kandidatëve për kryetar të degës së Partisë Demokratike në degën e Kukësit, në procesin që po zhvillohet nga Komisioni i Rithemelimit, Irel Elezi, është tërhequr nga gara. Në një prononcim për mediat ai është shprehur se procesi është i manipuluar pasi janë manipuluar listat e anëtarësisë, që kanë të drejtë vote.
“Pas verifikimit që i kam bërë listës kam parë se në listën e zgjedhësve janë mbi 200 emra të rinj dhe shumë demokrat që kanë kontribut 30 vjeçar në PD nuk janë në listën e sjellë nga Tirana. Kam kërkuar sipas normave dhe statutit të partisë regjistrin e anëtarësimit të këtyre emrave të rinj, e kam kërkuar në fillim të procesit për të parë nëse është gjithçka komform rregullave që parashikon statusi. Nuk më kanë vënë në dispozicion listën dhe kanë refuzuar sqarimet. Kërkesa ime është marrë parasysh. Pasi jam tërhequr nga gara emri im nuk duhet të figuroj më në listë. E konsideroj procesin të manipuluar ju bej thirrje të gjithë demokratëve se aty ku vëreni shkelje, paligjshmëri, reagoni dhe mos pranoni të votoni”, tha Elezi.
Komente
Lajme të tjera
-
Mero Baze: Nuk janë primare, janë 'Primari'
7 Shtator, 20:16
-
Gazment Bardhi kundër Berishës: Primaret të mos kthehen në anarki për partinë
7 Shtator, 19:24 -
'Mbrojti Berishën 'non grata' tek kanceleritë e huaja!' Flamur Noka zbulon pse Agron Gjekmarkaj u emërua drejtues qarku në Lezhë pa u pyetur anëtarësia
7 Shtator, 00:31 -
Spahiu në Report Tv zbulon ‘paktin e fundit Rama-Berisha’: Emigrantet s'do lejohen të votojnë në 2025! Heqja e Topallit, Harxhit e Imamit provuan që listat i bënte Berisha, e Jo Basha
5 Shtator, 21:37 -
Emrat e drejtuesve të PD-së, Kokalari: Grupi i Sorosit paska ngulur rrënjë mirë! Këlliçi ‘qershia’ mbi tortë, humbi masivisht në Tiranë
5 Shtator, 20:18 -
Ylli Pata: Mllefi i Berishës me Shkodrën, shkaku i delegimit të Boçit?
5 Shtator, 19:43
-
Zgjedhjet, Basha gati partinë e re: Do kemi ekip me kandidatë me lista të hapura! Te grupimi i Berishës, të gjithë për karrige! Në KiE s'më kanë zëvendësuar me Vokshin
5 Shtator, 17:37 -
Zgjedhjet 2025/ Topalli, Spaho e Baçi jashtë drejtimit! Ja lëvizjet brenda PD-së! I qëndruan pranë në ditët më të vështira, si u spostuan mbështetësit e Berishës
5 Shtator, 16:50 -
12 drejtuesit e Berishës ngjallin pakënaqësi! Harxhi: Turp që s'ka asnjë grua! Spaho gënjehet nga Noka
5 Shtator, 14:12 -
Plas tek demokratët/ Anëtarësia e zhgënjyer me listën e Berishës për drejtuesit e qarqeve! Ish kreu i PD në Lezhë: S'u pyetëm për Gjekmarkajn, pazare për interesa personale
5 Shtator, 13:09 -
‘Plas’ në PD/ 'Turp që s’kemi asnjë grua drejtuese qarku', Edit Harxhi përplaset me Bardhin: S’keni bërë aksion për të liruar Berishën
5 Shtator, 12:41 -
Përplasje në PD për ‘Antikorrupsionin’, Baçi: Do marrim pjesë në Komision! Bardhi për Report Tv: Vijojmë bojkotin, s'kemi ndryshuar qëndrim
5 Shtator, 10:35
Po ku ke ftyre ti me perqafqsu Kukes o Irel Elezi! Ju elezt ne Kukes vetem per hajduta e kaçake ju kane mbajt, Jo per intelektual kurre, thjesht keni bo ndonje roje, Roje vreshti rrushi e mollesh gostili qe ne kohen e enverit!!! Te pakten Doktori i ka nja 25 vjet doktor dhe ka kontribute ne PD, Jo vetem ne kukes.. ka influece si intelektual ne gjithe Shqiperine Me profesionin e tij, ka qene ure lidhese me shume te mire e te kqij, Pa patur kurre armiq.
Përgjigju