ZYRTARE/ Largim i papritur nga Ajaksi, kapiteni lë 'në baltë' skuadrën

Ajaksi ka njoftuar se kapiteni Daley Blind dhe klubi kanë gjetur marrëveshjen për të ndërprerë kontratën me konsensus. Pas tre sezoneve e gjysmë, 333 ndeshjeve dhe shumë trofeve të fituar, Blind do vijojë karrierën në një tjetër klub.

Me kontratë deri verën që vjen, Blind duket se nuk ka dashur të vijojë më bashkëpunimin dhe në moshën 32-vjeçare largohet nga një prej skuadrave më të mëdha në Holandë, aty ku doli si lojtar. Me një eksperiencë të pasur edhe në kombëtaren e "Tulipanëve", Blind do bëjë një ndeshje lamtumire në "Johan Cruyff Arena".

"Gjatë ditëve të fundit, ne arritëm një marrëveshje me Daley për të ndërprerë kontratën e tij. Shpresoj që ai të gjejë një klub tjetër për të përfunduar karrierën e tij të suksesshme. Së bashku me Daley, ne kemi vendosur për një ndeshje në "Arena" ku ai mund t'u thotë lamtumirën e duhur tifozëve", tha drejtori Edwin van der Sar.

LEXO EDHE:
VIDEO/ Ajax është për turp, Feyenoord e mposht 6-0 në 'Klasiken' e Holandës

S.DH/Shqiptarja.com

TAG:
• Ajax
• Daley Blind
• edwin van der sar