Pas skadimit të ultimatumit që opozita e Maqedonisë së Veriut i kishte vendosur kryeministrit Zoran Zaev që të zyrtarizonte dorëheqjen, kryetari i VMRO-DPMNE-së, Hristijan Mickoscki ka dorëzuar në Kuvend kërkesën për mocion mosbesimi ndaj qeverisë.
Në arsyetimin e mocionit përmenden dështimet e Qeverisë LSDM në dy mandatet e fundit. Partia më e madhe opozitare në vend, VMRO ka deklaruar se pas kësaj nisme qëndrojnë 61 deputetë dhe se pritet që t’i bashkohen edhe deputetë të tjerë.
“Iniciativa është mbështetur nga VMRO-DPMNE dhe koalicioni, deputetët e Lëvizjes BESA, deputetëve të Aleancës për Shqiptarët dhe Alternativa dhe partia e Majta”, deklaroi Aleksandar Nikollovski, deputet i VMRO-DPMNE-së.
Ndërkohë, kryeministri Zoran Zaev ka reaguar për herë të parë që nga paralajmërimi i dorëheqjes, pas humbjes së thellë në zgjedhjet vendore. Ai ka thënë se për një dëshirë të kotë për pushtet, opozita ishte gati ta çonte vendin në greminë. Zaev ka paralajmëruar se nuk do të lejojë që Mickoski, Apasiev dhe Gruevski të kapin dhe shkatërrojnë përsëri vendin.
“Nga një dëshirë e dëshpëruese për pushtet, ata ishin gati të cconin shtetin në humnerë dhe të bënin njerëzit të vuanin. Në këto ditë jemi dëshmitarë të rrezikimit të Marrëveshjes së Prespës, Marrëveshjes së Fqinjësisë së Mirë me Bullgarinë, Marrëveshjes Kornizë të Ohrit, shoqërisë së përbashkët dhe shoqërisë së barabartë, paqes së qytetarëve brenda dhe në marrëdhëniet e mira me fqnjët. Por ky vend ka njerëzit e tij, qytetarët, demokratët, luftëtarët, politikanët dhe partitë e tij që nuk do të lejojnë që Mickoski, Apasiev dhe Gruevski të kapin dhe rrënojnë përsëri shtetin.
Kauza jonë është edhe civile edhe shtetërore. E di që pas kësaj kauze, si mburojë, qëndron me krenari shumica e qytetarëve tanë dhe shumica e ligjvënësve tanë. Demokracia, liria, solidariteti dhe komuniteti janë vlerat tona”, tha Zaev.
Ndërkohë, kryetari i Kuvendit, Talat Xhaferi, ditën e enjte në orën 11:00 ka caktuar seancën për mocionin e votëbesimit të Qeverisë.
Kujtojmë që LSDM pësoi një disfatë në zgjedhjet lokale në Maqedoninë e Veriut, ç’ka bëri që Zoran Zaev të jepte dorëheqjen nga posti i kryeministrit si edhe nga drejtimi i LSDM-së. Kjo parti humbi Shkupin dhe mbi gjysmën e 80 komunave të vendit. Në Kuvendin e Maqedonisë së Veriut nuk ka mbërritur ende asnjë kërkesë për dorëheqje nga Zoran Zaev.
Lajme të tjera
-
Gjykata Penale e Shkupit refuzon ankesën e Grubit, vendimi për paraburgim mbetet në fuqi
24 Dhjetor, 22:48 -
Ligji për Gjuhët në Maqedoninë e Veriut do të shqyrtohet në mars të vitit tjetër
23 Dhjetor, 18:19 -
Arben Taravari paralajmëron ‘arrestimin’ e Ali Ahmetit
20 Dhjetor, 10:11 -
Grubi në kërkim ndërkombëtar, reagon BDI: Propozuam ligj për mos futjen e non gratave në zgjedhje, e rrëzuan ata që na akuzojnë sot
19 Dhjetor, 11:32 -
Non grata nga SHBA/ Maqedonia e Veriut kërkon arrestimin e Artan Grubit, shpallet në kërkim ndërkombëtar
18 Dhjetor, 11:12 -
Shkup, Gjykata i cakton masën e paraburgimit ish-zv/kryeministrit Artan Grubi
17 Dhjetor, 17:39 -
Ali Ahmeti takohet me opozitën në Kosovë: Nuk takohem me Kurtin, sepse s’ka vullnet nga ana e tij!
17 Dhjetor, 14:54 -
Katër të arrestuar në rajonin e Strugës dhe të Gostivarit, të dyshuar për veprimtari terroriste
16 Dhjetor, 17:48 -
Policia maqedonase bastis shtëpitë e Artan Grubit dhe Përparim Bajramit
16 Dhjetor, 11:09 -
'S’jam politikan i salloneve dhe biskotave', Ali Ahmeti: Nuk lejoj të preket ligji për gjuhën shqipe
13 Dhjetor, 10:34 -
Siria pas rrëzimit të Assad/ Elezi për Report Tv: Vendi kontrollohet nga 3 grupe, mes tyre të paktën 60 shqiptarë nga Kosova! Shqiptari nga RMV, Avdyl Jashari, post kyç në Frontin për Çlirimin e Sirisë
12 Dhjetor, 15:55 -
Frrok Çupi: S’kemi edhe aq të drejtë për mburrje nacionale
12 Dhjetor, 15:37
