Zyrtarizoi Varane dhe Sancho-n, Manchester United përgatit edhe dy blerje të tjera! Mini revolucion në merkato

Manchester United nuk do të ndalet në merkato pavarësisht se një ditë më parë zyrtarizoi qendrëmbrojtësin Varane, të blerë nga Real Madrid për 42 mln paund. Mediat angleze shkruajnë se ‘djajtë e kuq’ kanë në plan për të ndërhyrë më rrënjësisht në merkato, duke qenë se edhe strategjia është e qartë pas rinovimit deri në 2024 me trajnerin Solskjaer.

Vetëm deri më tani United numëron në sulm Sancho-n, Marcus Rashford, Anthony Martial, Bruno Fernandes, Mason Greenëood dhe Edinson Cavani-n. Një prej armatimeve më të rënda në Premier League. Aktualisht po mendohet blerja e Saul Niguez nga Atletico Madrid për 42 milionë paund, si një përforcim në mesfushë edhe në rast se qëndron Pogba.

‘Djajtë’ kanë planifikuar edhe Kieran Trippier pavarësisht se krahu i djathtë është i blinduar me Bisakan.

Të gjitha këto blerje mund të kapin kuotën e 200 milionë paundëve dhe United po planifikon edhe merkaton në dalje. Ndër emrat e renditur që mund të lënë skuadrën këtë verë janë Lingard, Pogba që kërkohet me ngulm nga Paris SG, por edhe Andreis Pereira.

Ne.k./r.k./Shqiptarja.com
  • Sondazhi i ditës:

    A jeni dakord me propozimin për dozë të tretë vaksine për personat mbi 60 vjeç?

Komento


×

Lajmi i fundit

John

Prifti i shfrenuar italian i arrestuar për drogë rezulton HIV-pozitiv