Disa aktivistë dhe tifozë të kombëtares shqiptare të futbollit protestuan të enjten përpara zyrave të FSHF-së. Reagimi vjen pasi FSHF urdhëroi që asnjë simbol i UÇK-së të mos ishte në stadiumin "Arena Kombëtare" për ndeshjen kundër Serbisë.

Një natë më parë në Golem, policia e bashkisë Kavajë ndërmori një aksion për lirimin e hapësirave publike. Çadrat dhe shezlongët ishin vendosur në mënyrë të paligjshme nga pushuesit.

Një person mbetet i plagosur pas një aksidenti në Unazën e Madhe në Sauk. Policia në vendin e ngjarjes. 

Aksi rrugor Tiranë-Ndroq po i nënshtrohet një ndërhyrjeje të plotë për riparimin e pjesëve të amortizuara dhe pajisjen me sinjalistikën e nevojshme rrugore, me qëllim përmirësimin e sigurisë në këtë zonë.

Kolegji Zgjedhor rrëzon ankimimin e Alimehmetit në Tiranë dhe Aulon Kalasë  dhe Ilirjana Kuçanës në Durrës për votat preferenciale. Seanca për Shehun në Kukës u shty për shkak të mungesës së tij. Kandidatët e PD iu drejtuan Kolegjit pasi KAS iu rrëzoi ankimimet për rinumërim me argumentin se kërkesa duhet të bëhet në emër të subjektit politik.

Një 28-vjeçar është arrestuar nga Forcat 'Shqiponja' pasi iu gjet armë zjarri pistoletë në automjetin që drejtonte në fshatin Domje, Tiranë.

Publikimi i videos së konfliktit në Shkollën ‘Fan Noli’ ku humbi jetën i mituri Martin Cani ka bërë që Prokuroria e Tiranës të regjistrojë procedim penal për ‘Zbulim të akteve ose të dhënave sekrete’. Prokuroria sqaron se këto pamje, ishin vendosur në një CD që i ishin dorëzuan mbrojtësit ligjor të familjes së viktimës.

Një 36-vjeçar banues në Kosovë ka rënë në prangat e policisë së Kavajës. Blutë bëjnë me dije se 36-vjeçari tentoi të vidhte në një makinë pranë një karburanti, në fshatin Luz i Vogël.

5 të rinj u përfshinë në një sherr me shkopinj bejsbolli në zonën e Ali Demit në Tiranë. Njëri u plagos dhe përfundoi në spital. Policia sekuestroi shkop bejsbolli, 2 gëzhoja, 1 automjet dhe 3 celularë.

Bashkia e Tiranës miratoi mbi 1100 kredi të buta për familjet dhe çiftet e reja që nuk kanë mundësi të blejnë banesë, duke arritur në total 3,651 kredi të dhëna gjatë 10 viteve të fundit. Përveç kredive, janë shpërndarë edhe bonuse strehimi dhe banesa sociale, si dhe ofrohen mbështetje të tjera si abonenë falas për pensionistët dhe studentët dhe subvencionim i tarifave për konviktet.

Është hapur konkurrimi për postin e Shefit të Komisariatit nr 2, Komisariatit të Rinasit, Komisariatit të Cërrikut, Himarës dhe disa të tjera. Priten ndryshime gjithashtu edhe për shefa krimesh.

Strukturat e jashtme të lokaleve dhe restoranteve rreth e qark Arenës së futbollit në kryeqytet, të hequra prej ditësh nuk do të rikthehen. Inspektorati i Mbrojtjes së Territorit, i cili ka urdhëruar largimin e tyre, i konsideron ato si të paligjshme

Mbledhja e Këshillit Bashkiak të Tiranës është zhvilluar me debate ditën e sotme. Nënkryetari i Këshillit Bashkiak përjashtoi Endri Shabanin nga mbledhja, pasi nuk lejoi që të vijonte mbledhja.  Ai ngriri shqetësimin për dy kërkesa që ka bërë dhe nuk janë futur në rendin e ditës, shqyrtimi i mandatit të kryetarit aktual dhe një interpelancë me kryetaren e bashkisë.

Janë publikuar ditën e sotme pamjet nga momenti i vrasjes së 14-vjeçarit Martin Cani në shkollën Fan Noli në Tiranë. Ngjarja ndodhi pak metra larg shkollës “Fan Noli” në Tiranë ku Cani nuk mundi t’i mbijetonte plagëve të marra dhe për pasojë ndërroi jetë në spital.

Shqipëria do të jetë mikpritëse e Javës Kulturore Suedeze me një program të pasur që përfshin ekspozita arti, koncerte klasike dhe punëtori kulturore në Tiranë dhe Gjirokastër. Ngjarjet kulminojnë me koncertin e Jenny nga Ace of Base dhe aktivitete për sigurinë në trafik, duke lidhur kultura dhe komunitete.