Mbrëmja e 9 gushtit 1987, duke u gdhirë data 10, do të shënonte nji prej ngjarjeve më të bujshme, në Shqipërinë e diktaturës, arratisjenn e dy familjeve me 17 anëtarë, duke kaluar kufirin në Vermosh. Ishte nji prej rasteve të rralla kur realizohej me sukses një arratisje kaq masive. Iniciatori dhe ideuesi i kësaj arratisje Gjiovalin Vushaj ka dëshmuar për ‘Dosjen K’, gjithë detajet e kësaj arratisjeje, shkaqet që e i detyruan për ta ndërmarrin këtë hap dhe çfarë ndodhi me ta menjëherë sapo kaluan në tokën jugosllave, gjyqi që ju bë 17 anëtarëve të dy familjeve të arratisura në ish Jugosllavi, dhe ditët e burgut në Beograd. Ndërkohë në Tiranë, arratisja kishte shkaktuar alarm, në kupolën e lartë të regjimit. Një telefonatë në Komitetin Qendror, kishte ndezur sinjalin e alarmit. Dita e 10 gushtit 1987, ishte një ditë që do ta mbanin mend gjatë sidomos krerët e Ministrisë së Brendshme dhe gjithë strukturat e tjera nën varësi. Do të jepnin llogari për arratisjen që kishte ndodhur mu nën hundët e ushtarëve të armatosur…